ᖃᖓᑕᓗᓂ ᐴᔅᑎᐊᑯᓐᓂᑦ
ᐃᑦᑎᕐᕖᑦ ᒥᔅᓵᓄᑦ ᑐᑭᓯᒋᐊᕈᑏᑦ
ᖃᐅᔨᒃᑲᐅᑎᓯᒪᔭᑎᑦ ᐃᑦᑎᕐᕖᑦ
ᓱᐱᔪᒃᑯᑦᐱᖃᓯᐅᑎᓗᒍ ᖃᖓᑕᓂᖅ ᐃᐊᑦᒪᓐᑕᓐᒧᑦ, ᐅᐊᓂᐹᒡᒧᑦ, ᐋᑐᕚᒧᑦ, ᒫᓐᑐᕆᐊᒧᑦ, ᔭᓗᓇᐃᒧᑦ, ᐃᖃᓗᓐᓄᑦ, ᑲᖏᖅᓯᓂᖅᒧᑦ, ᓄᐊᒪᓐ ᕕᐅᔅᒧᑦ, ᐃᓅᕕᒻᒧᑦ, ᑰᔾᔪᐊᕐᒧᑦ |
|
| ᖃᑦᑎᓂᒃ ᐃᑦᑎᕐᕕᖃᕐᕕᔅᓴᐅᓂᖓ | (2) ᒪᕐᕉᓐᓂᒃ ᐃᑦᑎᕐᕕᖃᕐᕕᔅᓴᖅ |
| ᐅᖁᒪᐃᓐᓂᕆᔪᓐᓇᕐᑕᖏᑦ | ᑭᓪᓕᖃᕐᓗᒍ 32 kgs/70 ᐸᐅᓐᔅ ᐊᑐᓂᒃ |
| ᐊᒥᓲᓗᐊᕈᑎᔪᑦ ᐃᑦᑎᕐᕖᑦ |
ᑭᓪᓕᖃᕐᓗᒍ ᐱᖓᓱᓂᒃ ᐊᖏᖅᑕᐅᔪᓐᓇᕐᑐᑎᑦ ᐃᑦᑎᕐᕕᒋᑲᓐᓂᕈᒪᒍᕕᑦ ᑭᓯᐊᓂ ᐊᑭᓖᒃᑲᓐᓂᕆᐊᖃᕐᓂᐊᖅᑐᑎᑦ $100.00 ᐊᑕᐅᓯᕐᒧᑦ ᐃᑦᑎᕐᕕᒻᒧᑦ. ᐅᖁᒪᐃᓗᐊᕐᑐᒧᑦ (33-45 kgs) ᐃᑦᑎᕐᕕᒻᒧᑦ ᐊᑭᓖᒃᑲᓐᓂᕐᑎᑕᐅᓄᐊᖅᑐᑎᑦ $100.00. ᐊᖏᓗᐊᕐᑐᒧᑦ ᐃᑦᑎᕐᕕᒻᒧᑦ ᐊᖏᓂᖃᕐᑐᒥᒃ (ᑕᑭᓂᖓ + ᓴᓂᒧᑦ + ᑐᑭᒧᑦ) 161 to 292 cms ᐊᑭᓖᑲᓐᓂᕋᔭᖅᑐᑎᑦ $100.00-ᒥᒃ. ᐃᑦᑎᕐᕕᒃ ᐅᖁᒪᐃᓐᓂᖃᕐᐸᑦ 45kg ᐅᖓᑖᓂ ᐅᕝᕙᓘᓐᓂᑦ ᐊᖏᓂᖃᕐᐸᑦ 292cm ᐅᑦᑑᑎᒧᑦ ᖃᖓᑦᑕᐅᓯᕐᕕᒃᑰᔾᔮᖏᑦᑐᖅ ᑭᓯᐊᓂ ᐊᐅᓪᓚᖅᑎᑕᐅᒐᔭᖅᑐᖅ ᑐᔪᐃᕕᒃᑯᑦ. |
ᖃᖓᑕᓲᒃᑯᑦᐅᕙᙵᑦ ᐱᒋᐊᕐᓗᓂ ᐅᑎᒧᓪᓘᓐᓃᑦ ᐊᕐᕕᐊᓂᑦ, ᑎᑭᕋᕐᔪᐊᖅ, ᖃᒪᓂᑦᑐᐊᖅ, ᐃᓪᓗᓕᒑᕐᔪᒃ, ᓴᓪᓕᖅ, ᓇᐅᔮᑦ, ᑭᙵᐃᑦ, ᓴᓂᕋᔭᒃ, ᐃᓪᓗᓕᒃ, ᐸᓐᓂᖅᑑᖅ, ᑭᒻᒥᕈᑦ, ᕿᑭᖅᑕᕐᔪᐊᖅ, ᑲᖏᖅᑐᒑᐱᒃ, ᒥᑦᑎᒪᑕᓕᒃ, ᓇᓂᓯᕕᒃ, ᐊᐅᓱᐃᑦᑐᖅ, ᕼᐊᐃ ᕆᕗ, ᐳᐊᑦ ᓯᒻᓴᓐ, ᖁᕐᓗᖅᑑᖅ, ᐅᓪᓗᓴᖅᑑᖅ, ᐅᖅᓱᖅᑑᖅ, ᑕᓗᕐᔪᐊᖅ, ᑰᒐᕐᔪᒃ, ᐊᒻᒪ ᐃᖃᓗᒃᑑᑦᑎᐊᖅ |
|
| ᖃᑦᑎᓂᒃ ᐃᑦᑎᕐᕕᖃᕐᕕᔅᓴᐅᓂᖓ | (2) ᒪᕐᕉᓐᓂᒃ ᐃᑦᑎᕐᕕᖃᕐᕕᔅᓴᖅ |
| ᐅᖁᒪᐃᓐᓂᕆᔪᓐᓇᕐᑕᖏᑦ | ᑭᓪᓕᖃᕐᓗᒍ 20 ᑭᓗᔅ / 44 ᐸᐅᓐᔅ ᐊᑐᓂᒃ |
| ᐊᒥᓲᓗᐊᕈᑎᔪᑦ ᐃᑦᑎᕐᕖᑦ |
ᑭᓪᓕᖃᕐᓗᒍ ᐱᖓᓱᓂᒃ ᐊᖏᖅᑕᐅᔪᓐᓇᕐᑐᑎᑦ ᐃᑦᑎᕐᕕᒋᑲᓐᓂᕈᒪᒍᕕᑦ ᑭᓯᐊᓂ ᐊᑭᓖᒃᑲᓐᓂᕆᐊᖃᕐᓂᐊᖅᑐᑎᑦ $100.00 ᐊᑕᐅᓯᕐᒧᑦ ᐃᑦᑎᕐᕕᒻᒧᑦ. ᐅᖁᒪᐃᓗᐊᕐᑐᒧᑦ (21-45 kgs) ᐃᑦᑎᕐᕕᒻᒧᑦ ᐊᑭᓖᒃᑲᓐᓂᕐᑎᑕᐅᓄᐊᖅᑐᑎᑦ $100.00. ᐊᖏᓗᐊᕐᑐᒧᑦ ᐃᑦᑎᕐᕕᒻᒧᑦ ᐊᖏᓂᖃᕐᑐᒥᒃ (ᑕᑭᓂᖓ+ᓴᓂᒧᑦ+ᑐᑭᒧᑦ) 161 to 292 cms ᐊᑭᓖᑲᓐᓂᕋᔭᖅᑐᑎᑦ $100.00-ᒥᒃ. ᐃᑦᑎᕐᕕᒃ ᐅᖁᒪᐃᓐᓂᖃᕐᐸᑦ 45kg ᐅᖓᑖᓂ ᐅᕝᕙᓘᓐᓂᑦ ᐊᖏᓂᖃᕐᐸᑦ 292cm ᐅᑦᑑᑎᒧᑦ ᖃᖓᑦᑕᐅᓯᕐᕕᒃᑰᔾᔮᖏᑦᑐᖅ ᑭᓯᐊᓂ ᐊᐅᓪᓚᖅᑎᑕᐅᒐᔭᖅᑐᖅ ᑐᔪᐃᕕᒃᑯᑦ. |
ᐃᓛᓂᐅᙱᑦᑐᖅ:
- ᖃᖓᑕᕙᑦᑐᑦ ᖃᖓᑕᓲᒃᑰᕈᑎᒃ ᑐᕋᐃᓐᓇᕐᓂᐊᕐᓗᑎᒃ ᓱᐱᔪᒃᑰᓕᕐᓗᑎᒃ ᐃᑦᑎᕐᕕᖏᑦ ᐅᖁᒪᐃᓐᓂᖏᑦ ᖃᓄᐃᒋᔭᐅᒐᔭᙱᑦᑐᑦ ᓱᐱᔪᒃᑰᕐᓂᐊᖅᑐᑎᑐᑦ ᐅᖁᒪᐃᓐᓂᕐᓂᐊᖅᑕᐅᓯᒪᒃᐸᑕ
- ᐃᖃᓗᒃᑑᑦᑎᐊᖅ ᑕᒪᒃᑮᓐᓄᑦ ᐅᐸᑦᑕᐅᕙᒻᒪᑦ ᖃᖓᑕᓲᓄᑦ ᐊᒻᒪᓗ ᓱᐱᔪᓄᑦ ᑕᐃᒪᐃᒻᒪᑦ ᐃᑦᑎᕐᕖᑦ ᐅᖁᒪᐃᓐᓂᖏᑦ ᒪᓕᑦᑕᐅᕙᑉᐳᑦ ᓱᐱᔪᒃᑰᕐᑐᑎᑐᑦ.
- ᖃᖓᑕᓂᐊᕐᑐᑦ ᓄᑕᕋᓕᔭᖅᑐᑦ ᐊᑭᖃᙱᓪᓗᒍ ᓇᔅᓴᕈᓐᓇᖅᑐᑦ ᓄᓇᓯᐅᒻᒥ ᐃᔅᓯᕙᐅᑕᖅ ᓄᑕᕋᖅᓯᐅᑦ ᐊᒻᒪᓗ ᑲᐃᓪᓗᐊᕈᓐᒥᒃ.
- ᐅᓇ ᖃᐅᔨᒪᔭᕆᐊᓕᒃ: ᐊᑭᓖᒃᑲᓐᓂᖅᑎᑕᐅᔪᓐᓇᖅᑐᑎᑦ ᐊᑕᐅᓯᐊᙱᓪᓗᑎᑦ ᐊᑕᐅᓯᕐᒧᑦ ᐃᑦᑎᕐᕕᒻᒧᑦ ᐅᖁᒪᐃᓗᐊᖅᑲᑦ ᐊᒻᒪᓗ ᐊᖏᔫᓗᐊᖅᑲᑦ.
ᖃᐅᔨᒃᑲᐅᑎᓯᒪᔪᑦ ᐃᑦᑎᕐᕖᑦ ᖃᖓᑕᓲᒃᑯᕕᒻᒧᑦ
- ᐊᑎᓕᐅᕐᓯᒪᑦᑎᐊᕋᓗᐊᕐᒪᖔᑕ ᐊᒻᒪᓗ ᓇᓗᓇᐃᖅᓯᒪᑦᑎᐊᕐᒪᖔᑕ ᐃᕝᕕᑦ ᑐᕐᕋᕈᑎᖓᓂᒃ ᐊᒻᒪᓗ ᐅᖄᓚᐅᑎᖓᓂᒃ ᖃᐅᔨᒋᐊᖃᑦᑕᒃᑭᑦ. ᐃᓗᐊᓃᑎᑦᑎᒍᕕᑦ ᐱᐅᒻᒥᔪᖅ ᐃᑦᑎᕐᕕᕕᑦ. ᐊᑎᓕᐅᖅᕕᔅᓴᒥᒃ ᑐᔅᓯᕋᕈᓐᓇᖅᑐᑎᑦ ᖃᖓᑦᑕᐅᓯᕐᕕᒻᒥ.
- ᓂᕈᒥᐊᕐᕕᖏᑦ ᐅᕝᕙᓘᓐᓃᑦ ᓇᒻᒪᐅᑕᖏᑦ ᐃᑦᑎᕐᕕᕕᑦ ᐱᕈᓐᓇᕈᕕᒋᑦ ᐱᕐᓯᒪᒃᑭᑦ. ᓇᑦᑎᒍᓐᓇᕐᖓᑕ ᓱᕋᐃᓗᑎᓪᓘᓐᓃᑦ ᐃᕝᕕᑦ ᐃᑦᑎᕐᕕᖓᓂᑦ ᐅᕝᕙᓘᓐᓃᑦ ᐊᓯᕕᑦ.
- ᐱᖁᑎᑎᑦ ᐅᔾᔨᕇᓐᓇᒃᑭᑦ ᕿᒪᑦᑕᐃᓕᓗᒋᓪᓗ ᖃᖓᑕᓲᒃᑯᕕᒻᒧᑦ.
- ᑮᓯᒪᑕᐃᓕᓕ ᐃᑦᑎᕐᕖᑦ ᖃᐅᔨᓴᖅᑕᐅᕕᒃᑰᕆᐊᖃᖅᑲᑦ.
- ᐸᐃᑉᐹᒧᑦ ᑎᑎᕋᖃᑦᑕᒃᑭᑦ ᐃᑦᑎᕐᕕᕕᑦ ᐃᓗᐊᓃᑦᑐᑦ ᐊᒻᒪᓗ ᖃᑦᑎᕌᕋᔭᙳᐊᕐᒪᖔᑕ ᐃᓗᓕᖏᑦ.
ᓂᕈᒥᐊᒐᐃᑦ ᓇᒻᒪᐃᓘᓐᓃᑦ
ᐴᔅᑎᐊᒃᑯᑦ ᒪᓕᒐᕐᓂᒃ ᒪᓕᑦᑎᑎᕙᑉᐳᑦ ᐊᖏᓂᕆᒋᐊᖃᖅᑕᖓᑕ ᓂᕈᒥᐊᒐᐅᑉ ᐅᕝᕙᓘᓐᓃᑦ ᓇᒻᒪᐅᑉ. ᖃᓄᑎᒋ ᐊᖏᓂᖃᕆᐊᖃᕐᒪᖔᑦ ᓇᓗᓇᐃᕐᓯᒪᔪᖅ ᖃᖓᑕᓲᒃᑯᕕᒻᒥ. ᖃᖓᑕᓲᑉ ᐃᓗᐊᓂ ᓇᒻᒪᐃᑦ ᓂᕈᒥᐊᒐᐃᓪᓘᓐᓃᑦ ᐃᔅᓯᕙᐅᑕᐅᑉ ᐊᑖᓃᒋᐊᖃᖅᐳᑦ ᐅᕝᕙᓘᓐᓃᑦ ᒪᑐᐃᖅᑕᔫᑦ ᖁᓛᓃᑦᑐᑦ.
ᐊᖏᓂᕆᔪᓐᓇᕐᑕᖓ:
- ᓱᐱᔪᒥ – ᐆᑦᑑᑎᒃᑯᑦ 10 ins x 18 ins x 22 ins (25 cm x 46 cm x 55 cm)
- ᖃᖓᑕᓲᒃᑯᑦ HS 748 ᐅᕝᕙᓘᓐᓃᑦ ATR42 – ᐆᑦᑑᑎᒃᑯᑦ 9 ins x 8 ins x 18 ins (22 cm x 20 cm x 46 cm)
ᓂᕈᒥᐊᒐᐃᑦ ᓇᒻᒪᐃᓪᓘᓐᓃᑦ ᓱᐱᔪᒃᑯᑦ ᓇᔅᓴᖅᑕᑎᑦ ᑐᕋᐃᓐᓇᕐᓂᐊᕈᕕᑦ ᓄᓇᓕᐅᑉ ᐊᓯᐊᓄᑦ ᖃᖓᑕᓲᒃᑯᑦ ᓈᒻᒪᑦᑎᖅᓯᒪᔭᕆᐊᓖᑦ ᖃᖓᑕᓲᒧᑦ.
ᖃᖓᑕᔪᓕᕆᔨᒃᑯᑦ ᑲᓇᑕᒥ ᐊᑐᐊᒐᖃᕐᐳᑦ ᓇᔅᓴᕆᐊᖃᙱᑦᑐᓂᒃ ᓇᓗᓇᐃᖅᑐᖅᓯᒪᔪᓂᒃ ᖃᖓᑕᓲᒧᑦ. ᐃᒪᓕᒻᒥᒃ 100ml ᐊᑖᓂ ᓇᔅᓴᕕᔅᓴᐅᒐᓗᐊᖅ ᓇᒻᒪᐅᑉ ᐃᓗᐊᓃᑉᐸᑦ ᐴᖅᓯᒪᓗᓂ ᕿᓪᓚᔪᑭᐊᕐᒧᑦ ᓯᖀᖅᑕᖅᑐᒧᑦ.
ᐊᓯᖏᑦ ᓇᔅᓴᕆᐊᖃᙱᓚᑦ ᖃᖓᑕᓲᒧᑦ. ᖃᐅᔨᒋᐊᑦᑎᐊᕈᒪᒍᕕᑦ ᓇᓗᓇᐃᖅᑐᖅᓯᒪᔪᓂᒃ ᓇᔅᓴᕆᐊᖃᙱᑦᑐᓂᒃ ᐃᒪᓕᓐᓂᒃ. ᖃᐅᔨᒋᐊᕈᓐᓇᕐᑐᑎᑦ CATSA-ᑯᑦ ᐃᑭᐊᖅᑭᕕᖓᓂᑦ.
ᖃᐅᔨᒪᔾᔪᑎᔅᓴᐃᑦ ᓇᒻᒥᒋᕐᓂᐅᑉ ᒥᔅᓵᓄᑦ
ᐅᑯᐊ ᐱᓯᒪᐃᓐᓇᖁᔭᐅᕗᑦ ᐃᕝᕕᑦ ᓇᖕᒪᖓᓂᑦ ᐅᕝᕙᓘᓐᓃᑦ ᓂᕈᒥᐊᒐᕐᓂ:
- ᓇᓗᓇᐃᒃᑯᑕᑎᑦ ᓲᕐᓗ ᐊᖁᑦᑐᖅᓯᐅᑏᑦ, ᐃᓅᔪᖅᓯᐅᑎᒥᓃᑦ ᐊᓯᖏᓪᓗ.
- ᐃᔭᒐᐃᑦ
- ᓄᓇᓯᐅᒻᒧᑦ ᐃᓪᓗᒧᓪᓘᓐᓃᑦ ᑮᑎᑦ
- ᐊᓐᓂᓇᕐᑐᖁᑎᑎᑦ ᐊᑦᑕᓇᕐᑐᓪᓘᓐᓃᑦ ᓲᕐᓗ, ᓇᒡᒍᐊᕐᒦᑦ, ᐊᔾᔨᓕᐅᕈᑏᑦ ᑭᓱᑐᐃᓐᓇᐃᓪᓗ ᐅᐊᔭᒨᕐᑐᑦ.
- ᖃᕋᓴᐅᔭᐃᓪᓘᓐᓃᑦ
ᐊᑦᑕᓇᕈᓐᓇᖅᑐᑦ ᑭᓱᑐᐃᓐᓇᐃᑦ
ᐅᑯᐊ ᓇᓗᓇᐃᖅᑐᖅᓯᒪᔪᑦ ᐊᐅᓪᓚᖅᑎᑕᐅᔭᕆᐊᖃᙱᓚᑦ ᐃᑦᑎᕐᕕᒃᑯᑦ ᑭᓯᐊᓂ ᓇᓗᓇᐃᖅᓯᒪᓗᒋᑦ ᐊᑕᓇᖅᑑᓂᖏᓐᓂ. ᑕᐃᒪᐃᒻᒪᑦ ᐊᐅᓪᓚᖅᑎᑕᐅᔭᕆᐊᖃᖅᑯᑦ ᑐᔪᐃᕕᐅᕙᑦᑐᒃᑯᑦ ᒪᓕᒐᖏᑦ ᒪᓕᓪᓗᒋᑦ. ᑐᔪᐃᕕᒃᑰᖅᑎᑐᒋᑦ ᐊᑕᓇᙱᓂᖅᓴᐅᔪᓐᓇᕐᐳᑦ ᐴᖅᑲᖅᑕᐅᓯᒪᑦᑎᐊᕈᑎᒃ.
- ᐃᑭᓴᕋᐃᑦᑐᑦ
- ᐄᔭᕐᓗᓇᖅᑐᑦ
- ᓱᕈᔪᓐᓇᖅᑐᑦ ᑭᓱᑐᐃᓐᓇᐃᑦ
- ᐅᖏᖅᑎᓯᒪᔪᑦ ᒑᓯ
- ᖁᑭᐅᑎᒧᑦ ᓴᒃᑯ
- ᓱᕈᖅᑎᕆᔾᔪᑏᑦ
- ᖄᖅᑕᔫᑦ
- ᐊᐃᑦᑐᓪᓗᐃᔪᓐᓇᕐᑐᑦ ᑭᓱᑐᐃᓐᓇᐃᑦ
- ᐃᑭᓴᕋᐃᑦᑐᑦ ᐅᖅᓱᔅᓴᐃᑦ
ᐄᔭᒐᐃᑦ ᐅᕝᕙᓘᓐᓃᑦ ᐊᓇᕐᕕᓕᐊᖅᑐᖅᓯᐅᑏᑦ ᐱᓯᒪᔭᔅᓴᐅᔪᑦ ᒥᑭᔫᑐᐊᖅᐸᑕ.
ᖁᑭᐅᑏᑦ ᐊᒻᒪᓗ ᓴᒃᑯᖏᑦ
- ᖁᑭᐅᑏᑦ ᐊᒻᒪᓗ ᐋᖅᑭᓛᕐᓂᐅᑏᑦ ᐅᓯᔭᐅᔪᓐᓇᕐᐳᑦ ᐴᔅᑎᐊᑯᓐᓂᑦ ᐅᑯᐊ ᒪᓕᒃᑕᐅᑐᐊᖅᐸᑕ:
- ᖁᑭᐅᑏᑦ ᖃᐅᔨᒃᑲᐅᑎᒍᕕᐅᑦ ᐃᑦᑎᕐᕕᑎᑐᑦ
- ᖁᑭᐅᑏᑦ ᓴᒃᑯᖃᖏᑐᐊᖅᐸᑦ ᐃᓗᐊᓂ
- ᖁᑭᐅᑏᑦ ᑮᖃᖅᑲᑦ ᑮᔅᓯᒪᓗᓂᓗ
- ᖁᑭᐅᑏᑦ ᐴᖅᓯᒪᑉᐸᑦ ᖁᑭᐅᑎᒃᑯᕕᒻᒧᑦ ᑮᔅᓯᒪᓗᓂᓗ ᓱᕋᑦᑕᐅᓂᐊᖏᓪᓗᓂ ᖃᖓᑕᑎᓪᓗᒋᑦ.
- ᓴᒃᑯᖏᑦ ᐴᖅᑲᖅᓯᒪᑦᑎᐊᕆᐊᓖᑦ ᐊᑦᑕᓇᖏᓪᓗᑎᒃ ᐃᕝᕕᑦ ᐃᑦᑎᕐᕕᖓᓂᑦ.
- ᐴᑯᓖᑦ ᑭᓯᐊᓂ ᓴᒃᑯᐃᑦ ᐃᑭᑎᑕᐅᒍᓐᓇᕐᑐᑦ. ᓴᒃᑯᓕᐊᕆᔭᕆᐊᓖᑦ ᐅᕝᕙᓘᓐᓃᑦ ᓴᒃᑯᔅᓴᐃᑦ ᐃᑭᔭᐅᒍᓐᓇᖏᑦᑐᑦ.
- ᑕᑕᑎᕆᔭᕆᐊᖃᖅᑐᑎᑦ ᐸᐃᑉᐹᒥᒃ ᖁᑭᐅᑎᒋᕐᓂᐅᑉ ᖃᖓᑕᓲᒃᑯᑦ ᒥᔅᓵᓅᖓᔪᓂᒃ ᖃᖓᑦᑕᕐᓂᐊᓕᕈᕕᑦ ᐊᑦᑕᓇᙱᑦᑑᖁᓪᓗᒍ
- ᖁᑭᐅᑏᑦ ᐊᒥᓲᓗᐊᕈᑎᑉᐸᑦ ᐃᕝᕕᑦ ᐃᑦᑎᕐᕕᖏᓐᓄᑦ ᐊᑭᓖᑲᓐᓂᕆᐊᖃᕐᓂᐊᖅᑐᑎᑦ
ᐱᒻᒪᕆᒃ ᐃᖅᑲᐅᒪᔾᔪᑎ:
- ᖁᑭᐅᑏᑦ ᓇᓗᓇᐃᔭᕐᓯᒪᔪᑦ ᐊᐅᓪᓚᖅᑎᓐᓂᐊᕈᕕᒋᑦ ᓲᕐᓗ ᐃᓪᓗᐃᓇᖅᑑᑎᑦ ᖃᐅᔨᒃᑲᐅᑎᓯᒪᔭᕆᐊᖃᕐᒪᑕ ᒪᓕᒐᐃᑦ ᒪᓕᑦᑐᒋᑦ
ᓇᔅᓴᕐᓂᖅ ᓴᒃᑯᓕᖅᓯᒪᔪᒥᒃ ᖁᑭᐅᒻᒥᒃ ᒪᓕᒐᕐᔪᐊᓂᒃ ᓯᖁᒥᑦᑎᕗᖅ ᒐᕙᑐᖃᒃᑯᑦ ᒪᓕᒐᕐᔪᐊᖏᓐᓂᒃ (ACT 103.12).
ᑭᖑᕙᖅᑐᑦ/ᔭᒐᐃᔭᓪᓗᓐᓃᑦ ᐃᑦᑎᕐᕖᑦ
ᐃᓛᓐᓂᒃᑯᑦ, ᐱᔮᖅᑯᑕᐅᙱᑦᑐᒥᒃ, ᐃᑦᑎᕐᕖᑦ ᑎᑭᙲᓐᓇᕈᓇᖅᐳᑦ ᖄᖏᐅᑎᓗᑎᓪᓘᓐᓃᑦ. ᔭᒐᐃᔭᐅᔪᑦ ᐃᑦᑎᕐᕖᑦ ᐅᖃᐅᓯᕆᔭᕆᐊᖃᖅᐳᑦ ᐃᑲᔪᖅᑎᐅᔪᒧᑦ ᖃᖓᑕᓲᒃᑯᕕᒻᒥ. ᐃᑲᕐᕋᐃᑦ 24 ᓈᑎᓪᓗᒋᑦ ᐃᑦᑎᕐᕖᑦ ᑎᑭᙱᑉᐸᑦ, ᑮᓇᐅᔭᑎᒍᑦ ᐃᑲᔪᖅᑕᐅᔪᓐᓇᑐᐃᓐᓇᕆᐊᖃᕐᐳᑎᑦ. ᓂᐅᕕᖅᑐᖅᓯᐅᑎᒥᓂᖅᑎ ᐱᓯᒪᑐᐊᕈᕕᒋᑦ.
ᐃᖅᑲᓇᐃᔭᖅᑎᒧᑦ ᓇᓂᔭᐅᔪᓐᓇᖏᑉᐸᑦ ᐃᑦᑎᕐᕖᑦ, ᑕᐃᒃᑯᐊ ᐃᑦᑎᕐᕕᒻᒥᒃ ᑕᓱᐃᓇᓱᑦᑎᖏᑕ ᐊᓪᓚᕕᖃᕐᕕᐊᓂ ᑲᒪᒋᔭᐅᓕᕋᔭᖅᑐᖅ.
- ᓯᕗᓪᓕᖅᐹᒥ ᑕᑕᑎᕆᒋᐊᖃᕋᔭᖅᑐᑎᑦ ᐸᐃᑉᐹᒥᒃ ᓇᓗᓇᐃᖅᑐᖅᓯᒪᔪᒥᒃ ᑭᓱᓂ ᐃᓗᓕᖃᓚᐅᕐᒪᖔᑦ ᐃᑦᑎᕐᕖᑦ. ᑖᓇ ᑕᑕᑎᕆᐊᓕᒃ ᐱᔭᒃᓴᐅᔪᖅ ᐅᕙᙵᑦ Baggage Declaration Form. ᑐᔫᑕᐅᔪᓐᓇᕆᓪᓗᓂᓗ ᑎᑎᖅᑲᓂᐊᕐᕕᒃᑯᑦ ᐅᕝᕙᓘᓂ ᓱᒃᑲᔪᒃᑯᑦ.
- ᐊᓯᖏᓪᓗ ᖃᐅᔨᒪᔾᔪᑎᔅᓴᐃᑦ ᐃᑦᑎᕐᕕᕕᑦ ᒥᔅᓵᓄᑦ ᓲᕐᓗ ᐊᒥᐊᖓ, ᐊᖏᓂᖓ, ᐊᑎᖓ, ᑕᖅᓴᖓ, ᐅᕝᕙᓘᓐᓃᑦ ᑭᓱᓂᒃ ᐃᓗᓕᖃᕐᒪᖔᑦ ᓇᓂᔭᐅᓴᕋᐃᔾᔪᑎᒋᔪᓐᓇᕐᑕᖏᑦ ᓇᓗᓇᐃᖅᓯᖁᔭᐅᕗᑎᑦ.
- ᑕᑕᑎᕆᐊᓕᒃ ᑕᑕᑎᕐᓗᒍ ᐅᑎᖅᑎᓪᓗᒍᓗ ᐃᑦᑎᕐᕕᒻᒥᒃ ᔭᒐᐃᓯᒪᔪᓂᒃ ᑕᓱᐃᓇᓱᕝᕕᐅᑉ ᐊᓪᓚᕕᖓᓄ ᐅᓪᓗᐃᑦ 21 ᐊᓂᒍᓚᐅᖅᑲᕐᑎᓐᓇᒋᑦ ᕿᓂᑦᑕᐅᑎᒋᔪᓐᓇᕐᓂᐊᕋᑦᑎᒍ. ᐊᔾᔨᖓᓂᓪᓗ ᐱᓯᒪᓇᔭᖅᐳᑎᑦ ᐃᕝᕕᑦ ᑕᑕᑎᖅᑕᖓᑕ.
First Air Baggage Claims
20 Cope Drive
Kanata, Ontario
K2M 2V8
Canada
ᓱᒃᑲᔪᒃᑯᑦ: 613-254-6362
ᐃᕐᖐᓈᖅᑕᐅᑦ: customerrelations@firstair.ca
ᓱᕋᔅᓯᒪᔪᑦ ᐃᑦᑎᕐᕖᑦ
ᐃᑦᑎᕐᕖᑦ ᑎᑭᑦᑐᒥᓂᐅᑉᐸᑦ ᓱᕋᔅᓯᒪᓗᓂ, ᖃᐅᔨᒃᑲᐃᑦᑕᐅᑎᒋᒐᔭᖅᐳᑎᑦ ᐃᖅᑲᓇᐃᔭᖅᑎᒥᒃ ᖃᖓᑕᓲᒃᑯᕕᒻᒥ ᐊᓂᓚᐅᙱᓂᓐᓂᑦ. ᓱᕋᔅᓯᒪᒐᓛᑐᐃᓐᓇᖅᑲᑦ ᓲᔪᖅᓴᐅᖏᓪᓗᓂ ᓴᓇᔭᐅᔪᓐᓇᑐᐃᓐᓇᕆᐊᖃᖅᐳᖅ ᖃᖓᑕᓲᒃᑯᕕᒻᒥ ᐃᒃᑲᕐᕋᐃᑦ 24 ᒥᔅᓵᓂ ᐱᓐᓂᕈᕕᐅᒃ. ᖃᐅᔨᒃᑲᐃᖏᒃᑯᕕᑦ ᐃᒃᑲᕋᐃᑦ 24 ᑐᖔᓂ ᐃᑦᑎᕐᕖᑦ ᓱᕋᔅᓯᒪᑉᐸᑦ, ᐴᔅᑎᐊᒃᑯᑦ ᐸᓯᔭᔅᓴᐅᙱᓚᑦ.
ᖃᐅᔨᒃᑲᐅᑎᒋᐊᖃᕐᐸᑎᑦ ᐃᖅᑲᓇᐃᔭᖅᑏᑦ ᐃᑦᑎᕐᕖᑦ ᓱᕋᔅᓯᒪᓂᖓᑕ ᒥᔅᓵᓄᑦ ᑕᑯᕐᕈᑎᓗᒋᑦ ᐃᕝᕕᑦ ᖃᖓᑦᑕᐅᑎᒥᓂᖓᓂᑦ ᐊᒻᒪᓗ ᓇᓗᓇᐃᒃᑯᑕᖅ ᑕᐃᓐᓇ ᓂᐱᑎᓯᒪᓲᖅ ᐃᑦᑎᕐᕕᒻᒧᑦ. ᐱᕕᖃᕐᑎᑕᐅᒐᔭᖅᐳᑎᑦ
ᐴᔅᑎᐊᒃᑯᓐᓂᒃ ᐃᑦᑎᕐᕖᑦ ᐊᐅᓪᓚᖅᑎᑕᐅᖁᒍᕕᐅᒃ ᓴᓇᔭᐅᕕᒻᒧᑦ ᐅᕝᕙᓘᓐᓃᑦ ᐃᒻᒥᓂᒃ ᐊᐅᓪᓚᖅᑎᒍᒪᒍᕕᐅᒃ ᓴᓇᔭᐅᕕᒻᒧᑦ ᑐᑭᓯᓚᐅᕐᓗᑎᑦ ᖃᑦᑎᕌᕋᔭᕐᒪᖔᑦ ᓴᓇᔭᐅᔾᔪᑎᖓ.
ᑲᒪᑦᑎᐊᕋᓱᒃᐸᒃᑲᓗᐊᖅᑎᓪᓗᑕ ᐃᑦᑎᕐᕕᓐᓂᒃ, ᐸᓯᔭᔅᓴᐅᙱᓚᒍᑦ ᐃᒪᐃᑦᑐᒥᓂᐅᑉᐸᑦ ᐃᑦᑎᕐᕖᑦ: ᕿᐳᖅᑳᓯᒪᑉᐸᑦ, ᐃᓚᑰᑉᐸᑦ ᑎᒍᒻᒥᕕᒻᒥᒃ, ᓯᖀᕈᑎᖓ ᓱᕋᔅᓯᒪᑉᐸᑦ, ᐊᔅᓴᓗᐊᔪᖓ ᓱᕋᔅᓯᒪᑉᐸᑦ, ᓴᓇᒪᓂᖓ ᐃᑦᑎᕐᕕᐅᑉ ᓱᕋᓐᓂᖅᑲ, ᐃᑦᑎᕐᕖᑦ ᓱᕋᓐᓂᖅᑲᑦ ᐃᓗᓕᖃᓗᐊᕐᓂᖓᓄᑦ, ᑯᕕᔪᖃᕐᑐᒥᓂᐅᑉᐸᑦ ᐃᓗᓕᖏᓐᓂ ᐅᕝᕙᓘᓐᓃᑦ ᐃᓗᐊᓂ ᐃᑦᑎᕐᕕᐅᑉ ᓱᕋᑦᑐᖃᕐᓂᖅᑲᑦ.
ᐊᑐᐊᒐᐃᑦ ᐸᓯᔭᔅᓴᐅᖏᔾᔪᑎᔅᓴᖏᓐᓄᑦ
ᑭᓪᓕᖃᕐᑐᑦ ᐸᓯᔭᔅᓴᐅᓂᖓ
ᐅᑯᐊ ᖃᐅᔨᒪᒋᐊᒃᑭᑦ, ᐊᖏᕈᑕᐅᓚᐅᖅᑎᒥᓃᑦ ᒫᓐᑐᕆᐊᒥ ᑲᑎᒪᕕᔾᔪᐊᕐᑎᓪᓗᒋᑦ ᐊᑐᖅᑕᐅᓲᖑᔪᑦ ᖃᖓᑕᓲᓕᕆᔨᓄᑦ, ᐴᔅᑎᐊᒃᑯᑦ ᐸᓯᔭᔅᓴᐅᙱᓚᑦ ᔭᒐᐃᔪᖃᖅᑐᒥᓂᐅᑉᐸᑦ ᓱᕋᑦᑐᖃᕐᓂᖃᓪᓘᓐᓃᑦ ᑭᖑᕙᖅᑐᖃᕐᓂᖃᓪᓘᓐᓃᑦ ᑭᓱᑐᐃᓐᓇᕐᓂᒃ ᐊᑦᑕᓇᕐᑐᓂᒃ, ᓂᕿᓂᒃ, ᑮᓇᐅᔭᓂᒃ, ᐊᓐᓂᕐᓇᖅᑐᓂᒃ ᐸᐃᑉᐹᓂᒃ, ᓂᕿᓂᒃ, ᐄᔭᒐᕐᓂᒃ, ᖃᕋᓴᐅᔭᓂᒃ, ᑕᕐᕆᔮᔅᓴᓕᐅᕈᑎᓂᒃ, ᐅᖄᓚᐅᑎᕋᓛᓂᒃ, ᓴᓇᖑᐊᒐᕐᓂᒃ, ᓯᖁᒥᓲᓂᒃ, ᐱᙳᐊᑐᕐᓯᐅᑎᓂᒃ ᑭᓱᑐᐃᓐᓇᕐᓂᒃ, ᐊᖑᓇᓱᑦᑕᒥᓂᕐᓄᑦ ᐱᑖᒥᓃᑦ ᓱᕐᓗ ᓇᔾᔪᐃᑦ ᑐᒑᓪᓘᓐᓃᑦ ᐃᓗᐊᓃᑦᑐᒥᓂᐅᑉᐸᑕ ᓇᒻᒪᐅᑉ. ᖃᐅᔨᓐᓂᖏᑉᐸᑦ ᖃᐅᔨᓐᓂᕋᓗᐊᕈᓂᓘᓐᓃᑦ ᐱᖁᑎᓕᒃ ᑖᑯᓂᖓ ᓱᕋᑦᑐᖃᕐᓂᖅᑲᑦ.
ᐴᔅᑎᐊᒃᑯᑦ ᐸᓯᔭᔅᓴᐅᖏᓐᓂᖏᑦ ᒐᕙᒪᒃᑯᑦ ᒪᓕᒐᖏᑦ ᒪᓕᑦᑐᒋᑦ ᔭᒐᑦᑐᖃᕐᑐᒥᓂᐅᑉᐸᑦ, ᓱᕋᑦᑐᖃᕐᓂᖅᑲᓪᓘᓐᓃᑦ ᐃᑦᑎᕐᕕᒻᒥᑦ ᑎᑭᙲᓇᖅᑐᖃᕐᓂᖅᑲᓪᓘᓐᓃᑦ. ᐸᓯᔭᔅᓴᐅᓂᖅᑲᑕ ᐊᑭᓖᒐᔭᕐᑐᑦ ᓇᓗᓇᐃᖅᓯᒪᖏᑐᐊᖅᐸᑦ ᐊᑭᑐᓂᖅᓴᐅᓂᖓᓂᒃ ᑭᓪᓕᖃᕋᔭᖅᑐᖅ $750.00-ᒥᒃ
ᐴᔅᑎᐊᒃᑯᑦ ᐸᓯᔭᔅᓴᐅᙱᓚᑦ ᖁᕕᐊᓇᕐᓂᖏᑉᐸᑦ, ᐊᑲᕐᕆᔮᕐᓇᓂᖏᑉᐸᓪᓘᓐᓃᑦ.
* ᑐᑭᓯᒋᐊᒃᑲᓐᓂᕈᒪᒍᕕᑦ, Please consult our passenger tariff
ᑭᓪᓕᖃᕐᑐᒥᒃ ᓇᓗᓇᐃᖅᓯᒍᑎ
ᐴᔅᑎᐊᒃᑯᑦ ᐸᓯᔭᔅᓴᐅᙱᓚᑦ ᓱᕋᑦᑐᒥᓂᕐᓄᑦ ᑖᒃᑯᓄᖓ ᓇᓗᓇᐃᖅᓯᒪᔪᓂᒃ ᖁᓛᓂ. ᓇᓗᓇᐃᕐᓯᔾᔪᑎᒥᒃ ᐊᑕᓇᕐᑐᖃᖅᐸᑦ ᐃᕝᕕᑦ ᐱᖁᑎᖏᓐᓂᒃ ᑕᑕᑎᕆᔭᕆᐊᖃᕐᑐᑎᑦ ᖃᖓᑕᓲᒃᑯᕕᒻᒥ ᖃᖓᑦᑕᓚᐅᙱᓂᕐᓂᒃ.