ᐃᑭᒪᔪᓄᑦ ᐱᔨᑦᓯᕈᑎᑦ
ᔭᒐᓯᒪᔪᐃᑦ ᐃᑦᑎᕐᕖᑦ
ᖃᑯᑎᒃᑯᑦ, ᐱᓇᓱᐊᑦᑎᐊᕋᓗᐊᖅᑎᓪᓗᑕ, ᐃᑦᑎᕐᕕᐅᔪᐃᑦ ᑭᖑᕙᖅᓯᒪᑐᐃᓐᓇᕆᐊᖃᓲᑦ ᐊᒻᒪᓗ ᑎᑭᙲᓐᓇᕐᓗᑎᑦ ᐊᐅᓪᓚᕐᕕᒋᔭᕐᓄᑦ. ᔭᒐᓯᒪᔪᐃᑦ ᐃᑦᑎᕐᕖᑦ ᐅᖃᐅᓯᕆᔭᐅᔭᕆᐊᓖᑦ ᐱᔨᑦᑎᕋᖅᑎᑦᑎᔨᒃᑯᓐᓄᑦ ᑎᑭᒃᑯᕕᑦ ᖃᖓᑕᓲᒃᑯᕕᒻᒥ. ᐃᑦᑎᕐᕖᑦ ᖃᐃᒍᓐᓇᙱᒃᑯᑦᑎᒍ 24 ᐃᑲᕐᕋᑦ ᐃᓗᐊᓂ, ᐊᑭᓕᐅᑎᒃᓴᖕᓂ ᖃᐃᑦᑎᒍᓐᓇᖅᑐᒍᑦ. ᑭᓯᐊᓂᓕ ᓇᓕᖅᑲᖃᕆᐊᖃᖅᑐᑎᑦ ᐊᑭᓕᐅᑎᒥᓂᕐᓄᑦ ᐊᑭᓕᖅᑕᐅᔪᒪᒍᕕᑦ.
ᑕᐃᒪᐃᙲᓐᓇᐅᔭᓲᖑᒐᓗᐊᖅᑎᓪᓗᒍ ᐱᔨᑦᑎᕋᖅᑎᒃᑯᑦ ᖃᖓᑕᓲᒃᑯᕕᒻᒥ ᓇᓂᓯᒍᓐᓇᙱᒃᑯᑎᑦ ᐃᑦᑎᕐᕕᓐᓂ ᓯᕗᓪᓕᖅᐹᕐᒥ ᐱᖓᓲᔪᖅᑐᑦ ᐊᑕᐅᓯᕐᓗ ᐅᓪᓗᖏᓐᓂ, ᐃᑦᑎᕐᕕᑦ ᔭᒐᑦᑐᓄᑦ ᐊᓪᓚᕝᕕᖓᑦ ᕿᓂᕆᐊᓯᒐᔭᖅᑐᖅ.
- ᓯᕗᓪᓕᖅᐹᕐᒥ ᑎᑎᖅᑐᖅᓯᒪᔪᓂᒃ ᓈᑎᕆᔭᕆᐊᖃᕋᔭᖅᑐᑎᑦ ᐃᓗᓕᖏᓐᓂ ᐃᑦᑎᕐᕕᕕᑦ ᓈᑎᕈᑎ ᐊᑐᕐᓗᒍ ᐃᑦᑎᕐᕕᒻᒦᑦᑐᒥᓃᑦ ᐃᓗᓕᖏᑕ ᓈᑎᕆᐊᓕᒃ. ᑐᒃᓯᕋᕈᓐᓇᕆᓪᓗᑎᑦ ᐃᑦᑎᕐᕖᑦ ᔭᒐᓯᒪᔪᓂ ᐱᓕᕆᕕᑦᑕ ᐊᓪᓚᕝᕕᖓᑦ ᐊᐅᓪᓚᖅᑎᑦᑎᖁᔨᓗᑎᑦ ᓈᑎᕆᐊᓕᒻᒥᒃ ᖃᕋᓴᐅᔭᖅᑎᒍᑦ ᐅᕝᕙᓘᓐᓃᑦ ᓱᑲᑦᑐᒃᑯᑦ.
- ᓇᓗᓇᐃᔭᖅᓯᒪᑦᑎᐊᖅᑕᑎᑦ ᐃᑦᑎᕐᕕᒻᒦᑦᑐᒥᓃᑦ ᐃᓗᓕᖏᑕ ᓇᓗᓇᐃᔭᖅᓯᒪᓂᖏᑦ ᐱᒻᒪᕆᐅᕗᑦ ᓇᓂᔪᓐᓇᕐᓂᖅᓴᐅᒐᔭᕐᓂᑦᑎᓐᓂ ᐱᖁᑎᑎᑦ. ᓇᓗᓇᐃᔭᐃᑦᑎᐊᕆᑦ ᓲᕐᓗ ᐊᒥᐊᖏᑦ, ᐊᖏᓂᖏᑦ, ᐊᓐᓄᕌᑦ ᑭᒃᑯᓐᓄᑦ ᓴᓇᕙᐳᙳᒪᓂᖏᑦ, ᑎᑎᖅᑐᒐᐅᔭᙳᐊᖅᓯᒪᔪᓖᑦ ᐊᒻᒪᓗ ᐊᔾᔨᐅᙱᑦᑐᐃᑦ ᓇᓗᓇᐃᕈᑕᐅᔪᓐᓇᕋᔭᖅᑐᐃᑦ ᓲᕐᓗ ᐅᖃᓕᒫᒐᐃᑦ ᐊᑎᖏᑦ, ᑐᓐᓂᖅᑯᑎᒃᓴᑎᑦ ᐊᒻᒪᓗ ᑕᑯᕚᖅᑖᕐᓂᑯᑎᑦ ᖃᓄᑦᑑᒻᒪᖔᑕ.
- ᓈᑎᕇᕐᓗᒍ ᐊᒻᒪᓗ ᐅᑎᖅᑎᓪᓗᒍ ᓈᑎᕆᐊᓕᒃ, ᐊᒻᒪᓗᑦᑕᐅᖅ ᑐᒃᓯᕌᕆᔭᕕᑦ ᑐᑭᓯᒋᐊᕈᑎᖏᑦ, ᐅᑎᖅᑎᒃᑲᔭᕐᓗᒍ ᐃᑦᑎᕐᕕᒻᒦᑦᑐᐃᑦ ᐃᓗᓕᖏᑕ ᓇᓗᓇᐃᕈᑎᖓᑦ (ᑕᑯᓂᐊᕐᓗᒍ ᑐᑭᓯᒋᐊᕈᑎᐅᔪᖅ ᐊᐅᓪᓚᖅᑎᑦᑎᕝᕕᐅᔪᒃᓴᖅ ᐊᓪᓕᕐᒥ) 21 ᐅᓪᓗᐃᑦ ᐃᓗᐊᓂ ᔭᒐᑕᒥᓂᖅᐱᑦ ᐱᒋᐊᕐᓗᒍ ᐅᓪᓗᖓᑦ, ᕿᓂᕆᐊᓪᓚᒻᒪᕆᓐᓂᐊᕋᑦᑎᒍᑦ. ᐊᔾᔨᖏᓐᓂᒃ ᐱᓯᒪᑦᑎᒋᑦ ᖃᐅᔨᒋᐊᕐᕕᒋᖃᑦᑕᕐᓂᐊᕋᕕᒋᑦ.
ᕗᔅᑦ ᐃᐊᕐ-ᒃᑯᑦ ᐃᑦᑎᕐᕖᑦ ᔭᒐᑕᐅᓯᒪᔪᐃᑦ ᕿᓂᖅᑎᖏᑦ
20 Cope Drive
Kanata, Ontario
K2M 2V8 Canada
ᓱᑲᑦᑐᒃᑯᑦ: 613-254-6362
ᖃᕋᓴᐅᔭᒃᑯᑦ: customerrelations@firstair.ca
ᓱᕋᒃᓯᒪᔪᐃᑦ ᐃᑦᑎᕐᕖᑦ
ᐃᑦᑎᕐᕖᑦ ᓱᕋᒃᓯᒪᓐᓂᕈᓂ, ᑐᓴᖅᑎᒃᑭᑦ ᐱᔨᑦᑎᕋᖅᑎᐅᔪᐃᑦ ᖃᖓᑕᓲᒃᑯᕕᒻᒥ ᐊᓂᓚᐅᙱᑦᑎᓪᓗᑎᑦ. ᓱᕋᒐᓛᒃᓯᒪᑐᐃᓐᓇᖅᑐᐃᑦ ᖃᖓᑕᓲᒃᑯᕕᒻᒥ ᖃᐅᔨᔭᐅᙱᑦᑐᐃᑦ ᓴᓇᔭᐅᒋᐊᕈᓐᓇᖅᑐᐃᑦ ᐅᑎᖅᑎᑦᑎᓐᓂᕈᕕᐅᒃ ᖃᖓᑕᓲᒃᑯᕕᒻᒧᑦ ᐅᓂᒃᑲᐅᓯᕆᒋᐊᖅᑐᕐᓗᒍ 24 ᐃᑲᕐᕋᐃᑦ ᐃᓗᐊᓂ ᐱᓚᐅᖅᑎᓪᓗᒍ ᐃᑦᑎᕐᕕᕆᔭᖏᑦ. ᐅᓂᒃᑲᐅᓯᖃᙱᒃᑯᕕᑦ ᓱᕋᒃᓯᒪᓂᕋᖅᑕᐅᓪᓗᒍ ᐊᓂᒍᖅᓯᒪᓗᐊᓕᖅᑎᓪᓗᒍ ᕗᔅᑦ ᐃᐊᕐ-ᒃᑯᑦ ᑲᒪᒋᔭᕆᐊᖃᕈᓐᓃᕈᓐᓇᕐᒪᑕ.
ᑐᓂᔭᕆᐊᖃᖅᑕᐃᑦ ᖃᖓᑕᓲᒃᑯᕕᒻᒥ ᐃᑦᑎᕐᕕᓕᕆᔨᐅᔪᖅ ᓱᕋᒃᓯᒪᔪᒥᒃ ᐃᑦᑎᕐᕕᒻᒥ, ᖃᖓᑦᑕᐅᑎᑎᑦ ᐊᒻᒪᓗ ᐃᑦᑎᕐᕕᒻᒧᑦ ᓂᐱᑎᑕᐅᓲᑦ ᓇᓗᓇᐃᒃᑯᑕᖓᑦ. ᓂᕈᐊᕈᓐᓇᕋᔭᖅᑐᑎᑦ ᐃᓱᒪᑖᕐᓗᑎᑦ ᕗᔅᑦ ᐃᐊᕐ-ᒃᑯᑦ ᐊᐅᓪᓚᖅᑎᑦᑎᓗᑎᑦ ᐋᖅᑭᒋᐊᕈᔾᔨᔨᐅᔪᓄᑦ, ᐃᕝᕕᑦ ᐃᒻᒥᓂᒃ ᐋᖅᑭᒋᐊᕈᔾᔨᔨᐅᔪᓅᖔᕐᓗᒍᓘᓐᓃᑦ ᐅᕝᕙᓘᓐᓃᑦ ᐃᑦᑎᕐᕕᒋᔭᐃᑦ ᐃᑦᑎᕐᕕᓕᕆᔨᒃᑯᓐᓅᕈᑎᓗᒍ ᓴᓇᓲᕐᓄᑦ ᐃᓱᒪᖅᓱᕐᓗᑎᑦ ᓇᓕᐊᓐᓅᕐᓂᐊᕐᒪᖔᕐᒥᒃ ᓇᓚᐅᒃᑖᖅᑕᐅᓯᒪᔪᒥᒃ ᐊᑭᒃᓴᖓᓂᒃ ᑐᓂᓯᓗᑎᑦ ᐃᑦᑎᕐᕕᓕᕆᔨᒃᑯᓐᓄᑦ ᖃᖓᑕᓲᒃᑯᕕᓂ ᓴᓇᔭᐅᒋᐊᓚᐅᖅᑎᓐᓇᒍ.
ᐃᑦᑎᕐᕕᓯ ᑲᒪᒋᑦᑎᐊᕋᓱᐊᖏᓐᓇᕋᓗᐊᖅᑎᓪᓗᑎᒍᑦ, ᑲᒪᒋᔭᖃᔾᔮᙱᑦᑐᒍᑦ ᐃᒪᐃᑦᑐᓂᒃ: ᐃᓚᙵᒐᓛᒃᓯᒪᔪᓂᒃ, ᕿᐳᖅᑳᓯᒪᔪᓂᒃ, ᑎᒍᒻᒥᕕᖏᑦ ᐲᖅᑐᒥᓂᐅᑎᓪᓗᒋᑦ, ᓯᖀᖅᑕᔫᑦ ᓱᕋᒃᓯᒪᔪᐃᑦ, ᕿᕐᓂᖅᑖᕿᔪᑦ, ᐊᒃᓴᓗᐊᔪᐃᑦ ᓱᕋᒃᓯᒪᔪᐃᑦ, ᐃᐱᕈᖅᑐᐃᑦ, ᐃᑦᑎᕐᕕᑉ ᓴᓇᔭᐅᔪᒥᓂᐅᓪᓗᓂ ᓱᕋᒃᓯᒪᑲᐅᑎᒋᓪᓗᑎᑦ, ᓱᕋᒃᓯᒪᔪᐃᑦ ᐴᖅᑲᐃᕕᐅᓗᐊᖅᓯᒪᓂᖏᓐᓄᑦ, ᑯᕕᔪᒥᓂᐅᔪᐃᑦ ᐃᓗᐊᓃᑦᑐᑦ ᐃᑦᑎᕐᕕᓂ ᐅᕝᕙᓘᓐᓃᑦ ᓱᕋᓐᓂᕈᑎᑦ ᐊᑐᖃᑦᑕᕐᓂᑰᓗᐊᒧᑦ.
ᑭᓪᓕᖃᕐᓂᖏᑦ ᐊᑭᓖᑎᑕᐅᒍᓐᓇᕐᓂᖏᑕ
ᖃᐅᔨᒪᒋᐊᕆᔅᓯ, ᒪᓕᑦᑐᒋᑦ ᐃᓗᓕᖏᑦ ᒪᓐᑐᕆᐊᓪᒥ ᑲᑎᒪᔾᔪᑕᐅᓚᐅᖅᓯᒪᔪᒥᓃᑦ ᐊᒻᒪᓗ ᕚᓵᒥ ᐊᖏᕈᑕᐅᓚᐅᖅᓯᒪᔪᒥᓃᑦ ᐊᑐᕋᒃᓴᐅᒍᑎᑦ, ᕗᔅᑦ ᐃᐊᕐ-ᒃᑯᑦ ᑲᒪᒋᔭᖃᕐᓂᐊᙱᓚᑦ ᐊᑭᓖᓂᐊᙱᓚᓪᓗ ᔭᒐᑦᑐᓂ, ᓱᕋᒃᑐᓂ, ᐅᕝᕙᓘᓐᓃᑦ ᐅᖓᕙᕆᐊᖅᑕᐅᓯᒪᔪᒥᓂᐅᓂᖓᓄᑦ ᐱᔾᔪᑎᖃᖅᑐᑎᑦ ᐅᓯᔭᐅᓂᖏᑦ ᓱᕋᒃᓴᕋᐃᑦᑐᐃᑦ ᐅᕝᕙᓘᓐᓃᑦ ᐅᖁᕈᕈᓐᓇᖅᑐᐃᑦ ᑭᓱᑐᐃᓐᓇᐃᑦ, ᑮᓇᐅᔭᐃᑦ, ᓇᒡᒍᐊᕐᒥᕈᓘᔭᐃᑦ ᐅᔭᒦᓪᓗ, ᓂᕆᔾᔪᑏᑦ, ᒪᓕᒐᖅᑎᒎᖓᔪᐃᑦ ᐸᐃᑉᐹᑦ, ᓇᓪᓕᐅᒃᑯᒫᑦ, ᐅᕝᕙᓘᓐᓃᑦ ᐊᓯᖏᑦ ᐱᒋᔭᐅᔪᐃᑦ, ᐃᒥᐊᓗᐃᑦ, ᓇᒻᒥᓂᕆᔭᐅᔪᓄᑦ ᑎᑎᖅᑲᐃᑦ, ᐅᑦᑑᑎᐅᔪᐃᑦ, ᐃᒦᑦ, ᓂᖀᑦ ᐊᒻᒪᓗ ᐊᓯᖏᑦ ᓱᕋᓲᑦ ᐅᖁᓲᑦ; ᖃᕋᓴᐅᔭᐃᑦ, ᐄᔭᒐᐃᑦ; ᐊᒥᓱᓕᐅᕈᑏᑦ, ᑕᕐᕆᔮᒃᓴᓕᐅᕈᑏᑦ, ᐅᖄᓚᐅᑎᕋᓛᑦ, ᑎᑎᖅᑐᒐᐅᑏᑦ, ᓂᕐᕆᑏᑦ/ᓯᖁᒥᓲᑦ/ᓴᓇᐅᒐᐃᑦ ᓂᕐᕆᑏᑦ ᓯᖁᒥᓲᑦ; ᖃᕋᓴᐅᔭᕐᓅᖓᔪᐃᑦ ᐊᒻᒪᓗ ᐊᐅᓚᐅᑎᓖᑦ ᑭᓱᑐᐃᓐᓇᐃᑦ; ᐊᓕᒍᐃᑦ; ᓂᔾᔭᐅᑏᑦ ᐊᒻᒪᓗ ᑭᓱᑐᐃᓐᓇᕐᒧᑦ ᓂᔾᔭᐅᑎᒨᖓᔪᐃᑦ, ᐸᐃᑉᐹᑦ (ᐱᖃᓯᐅᔾᔨᓪᓗᑎᑦ ᐊᔾᔨᙳᐊᑦ/ᐊᔾᔨᒃᓴᐃᑦ/ᑎᑎᖅᑐᒐᐅᔭᖅᑕᐅᓯᒪᔪᐃᑦ/ᐱᑐᖃᐃᑦ ᑎᑎᖅᑲᐃᑦ/ᓄᓇᙳᐊᑦ), ᐱᙳᐊᖅᑐᖅᓯᐅᑏᑦ (ᑎᐊᓇᔅᓯᑐᖅᓯᐅᑏᑦ, ᐊᖅᑲᐅᒪᔪᖅᓯᐅᑏᑦ, ᐊᐅᓚᓴᐅᑏᑦ, ᒪᓕᒃᑯᑦ ᐃᖏᕐᕋᔾᔪᑏᑦ, ᓂᕐᔪᑎᑕᐅᓯᒪᔪᐃᑦ ᓂᐊᖁᖏᑦ ᓲᕐᓗ ᓇᔾᔪᐃᑦ) ᐃᓗᐊᓃᑦᑐᒥᓂᐅᓪᓗᑎᑦ ᑕᒪᒃᑯᐊ ᐃᑦᑎᕐᕕᓂ, ᖃᐅᔨᒪᑉᐸᓪᓘᓐᓃᑦ ᖃᐅᔨᒪᙱᑦᑐᒥᓂᐅᒐᓗᐊᖅᐸᓪᓘᓐᓃᑦ ᖃᖓᑕᓲᖅᑐᒥᓂᐅᔪᖅ.
ᕗᔅᑦ ᐃᐊᕐ-ᒃᑯᑦ ᐊᑭᓖᖃᑦᑕᕈᓐᓇᕐᓂᖏᑦ ᑲᒪᒋᔭᖃᖃᑦᑕᕈᓐᓇᕐᓂᖏᑦ, ᓇᓗᓇᐃᔭᖅᓯᒪᓪᓗᑎᑦ ᐊᐅᓚᑕᐅᔪᑎᒍᑦ ᐊᑭᓖᔾᔪᑎᖏᑦ, ᔭᒐᑕᒥᓂᐅᔪᓄᑦ, ᐅᖓᕙᕆᐊᖅᓯᒪᔪᓄᑦ ᐅᕝᕙᓘᓐᓃᑦ ᓱᕋᒃᓯᒪᔪᓄᑦ ᐃᑦᑎᕐᕕᓄᑦ ᑭᓪᓕᖃᖅᑐᑦ ᑭᓯᐊᓂ ᓯᕗᓂᐊᒍᑦ ᐅᖃᖅᓯᒪᔮᖅᑐᖃᕐᓂᕈᓂ ᐊᒥᓲᓂᖅᓴᐅᓪᓗᑎᑦ ᐊᑭᖃᕆᐊᖏᓐᓂ ᐊᒻᒪᓗ ᐊᑭᓖᒃᑲᓐᓂᖅᓯᒪᔪᖃᕐᓂᕈᓂ ᓇᓪᓕᐅᒃᑯᒫᕐᒥᒃ. ᐊᐅᓪᓚᖅᑐᑦ ᑲᓇᑕᒥ, ᐊᒥᓲᓂᖅᐹᓂ ᐊᑭᓕᐅᑎᖃᕈᓐᓇᖅᑐᐃᑦ $750.00 ᑲᓇᑕᒥ ᑮᓇᐅᔭᖏᑦ ᒪᓕᓪᓗᒋᑦ.
ᕗᔅᑦ ᐃᐊᕐ-ᒃᑯᑦ ᑲᒪᒋᔭᕆᐊᖃᙱᑦᑐᐃᑦ ᐊᑭᓖᒍᓐᓇᙱᑦᑐᐃᑦ ᔭᒐᑕᐅᒃᑲᓐᓂᖅᓯᒪᔪᓄᑦ ᓲᕐᓗ ᐊᓕᐊᓇᐃᒍᓱᒍᓐᓃᖅᑐᒥᓂᐅᓪᓗᑎᑦ, ᐃᖅᑲᓇᐃᔭᕆᐊᙲᓐᓇᖅᑐᒥᓃᑦ, ᐊᑲᐅᓈᙱᑦᑐᒥᓂᐅᓂᖏᓐᓄᑦ, ᐊᓯᖏᓪᓗ.