ᐱᕙᓪᓕᐊᔪᓕᕆᓂᕐᒧᑦ ᐃᓗᓕᖏᑦ

ᑐᓴᒐᒃᓴᑦ

ᕗᔅ ᑎᐊᒃᑯᑦ ᐃᓚᓯᕗᑦ “ᕿᒧᒃᓯᖑᐊᖅᑐᒥ” ᐅᑭᐅᖅᑕᖅᑐᒥᐅᖑᐊᖁᑎᖏᓐᓄᑦ

ᔪᓚᐃ 21, 2010 – ᑲᓇᑕ, ᐊᓐᑎᐅᕆᔪ. ᕗᔅ ᑎᐊᒃᑯᑦ ᐅᐱᒪᕗᑦ ᑐᓴᖅᑎᑦᑎᒋᐊᒃᓴᖅ 11-ᒋᔭᖓᓐᓂᒃ ᐅᑭᐅᖅᑕᖅᑐᒥ ᐱᓯᒪᔪᓂ ᑕᖅᓴᖃᖅᑎᑦᑎᕙᓪᓕᐊᓕᕐᓂᖏᓂ ᖃᖓᑕᓲᖁᑎᖏᑦᑕ ᐃᖅᑯᖏᓐᓂ ᑎᑎᖅᑐᒐᖅᑕᐅᕙᑦᑐᓂ 2005-ᒥᓂᑦ.

ᕗᔅ ᑎᐊᒃᑯᑦ ᖃᖓᑕᓲᕐᔪᐊᖓ ᓱᐱᔫᖅ 767 ᐅᓯᑲᖅᑕᐅᑎ ᑕᑯᒥᓇᑦᑎᐊᖅᑐᒥ ᕿᒧᒃᓯᖑᐊᖅᑐᒥ ᐃᓄᐃᑦ ᕿᒧᒃᓯᕈᓯᑐᖃᖓᓂ ᐊᔾᔨᖑᐊᖃᓕᕆᕗᖅ. ᑖᓐᓇ ᑕᓪᓗᕈᑎᓂ ᕿᒧᒃᓯᕐᓂᕆᓚᐅᖅᓯᒪᔭᖓᓂ ᑕᐃᑦᓱᒪᓂ ᑕᓪᓗᕈᑎᐅᑉ ᐊᖅᑯᑖᒍᑦ 1987-ᒥ ᕿᒧᒃᓯᕐᓂᖃᖅᑎᓪᓗᒍ ᐊᔾᔨᓕᐅᖅᑕᐅᓚᐅᖅᑑᑉ ᐊᔾᔨᖓ. ᐊᔾᔨᓕᐅᕈᔪᕕᓂᐅᓪᓗᓂ ᒪᐃᒃ ᐲᑐᓪ, ᐊᔾᔨᓕᐅᕆᔨᓪᓚᕆᒃ ᐅᑭᐅᖅᑕᖅᑐᒥᖔᖅᑐᓂ ᐊᔾᔨᓕᐅᖅᑕᕕᓂᖏᑦ ᐱᔭᐅᔪᒪᐃᓐᓇᓲᖑᖕᒪᑕ. ᑖᑦᓱᒪ ᖃᖓᑕᓲᑉ ᐃᖅᑯᐊ ᐸᐱᕈᖑᐊᖓ ᐊᖏᓂᖃᕐᒪᑦ 800 ᑭᑉᐹᕆᒃᑐᑦ ᐃᓯᒐᐃᑦ ᐃᒡᓗᒃᑐᑦ ᐊᑐᓂ.

“ᐊᑐᓂ ᖃᖓᑕᓲᑉ ᐃᖅᑯᖏᑕ ᐸᐱᕈᖑᐊᖏᑦ ᐅᑭᐅᖅᑕᖅᑐᒥᖔᖅᑐᓂ ᑕᖅᓴᖃᐅᖅᑎᑕᐅᓂᖏᑦ ᖃᓄᐃᑦᑑᓂᖓᓂ ᐃᓕᖅᑯᓯᕆᔭᖏᓐᓂᓗ ᓄᓇᓖᑦ ᐱᔨᑦᓯᖅᐸᑦᑕᕗᑦ ᑕᑯᒃᓴᐅᑎᑦᑎᓂᑦᑎᐊᕙᐅᖕᒪᑦ,” ᐅᖃᖅᐳᖅ ᑯᕆᔅ ᕕᐊᕆᔅ, ᐊᖓᔪᖄᑉ ᑐᖏᓕᖓ ᐊᓚᒃᑲᐅᒪᑎᑦᑎᓂᕐᒧᑦ ᓂᐅᕐᕈᓯᐅᕐᓂᕐᒧᓪᓗ ᕗᔅ ᑎᐊᒃᑯᓐᓂ. “ᐃᓄᐃᑦ ᑕᐃᒫᒃ ᐅᓯᑲᖅᑕᖃᑦᑕᖅᑐᑐᖃᐅᖕᒪᑕ, ᕿᒧᒃᓯᖅ ᐊᔾᔨᓕᐅᑎᔭᒃᓴᑦᑎᐊᕙᐅᖕᒪᑦ ᐊᖏᓂᖅᐹᖑᓪᓗᓂ ᐅᓯᑲᖅᑕᐅᑎᕆᔭᑦᑎᓐᓄᑦ ᖃᖓᑕᓲᒥ ᐅᑭᐅᖅᑕᖅᑐᒥ ᐱᔨᑦᓯᐸᑦᑐᖅ.”

ᑖᒃᑯᐊ ᑕᑯᔭᐅᕙᑦᑐᓂᖔᖅᑐᑦ ᐃᓅᓯᕆᔭᑦᑎᓐᓂ ᐊᖏᓪᓕᕙᓪᓕᐊᕗᖅ ᑕᐃᒪᖓᑦ “ᐃᓄᒃᓱᒃ” ᑎᑎᖅᑐᒐᖅᑕᐅᓚᐅᖅᑎᓪᓗᒍ ᖃᖓᑕᓲᖁᑎᑦᑎᓐᓂ ᓱᐴᖅᑐᒧᑦ 737 ᑎᓯᐱᕆ 2005-ᒥᓂᑦ. ᑕᐃᒪᖓᓂᑦ, ᕗᔅ ᑎᐊᒃᑯᑦ ᖃᖓᑕᓲᖁᑎᖏᑦᑕ ᑕᖅᓴᓕᐅᖅᑕᐅᖁᓂᖏᑦ ᐃᒪᐃᑦᑑᓯᒪᕗᑦ ᑐᒃᑐ, ᐅᒥᖕᒪᖅ (ᖃᓪᓗᓈᑎᑐᑦ Muskox), ᕿᓚᓗᒐᖑᐊᖅ ᖃᐅᓪᓗᖅᑕᖅ ᐊᒻᒪᓗ ᐊᒪᕈᖅ, ᖃᖓᑕᓲᕋᓛᖑᓂᖅᓴᓂ ATR42; ᐊᒻᒪᓗ ᓇᓄᖑᐊᖅ, ᐊᖅᓴᕐᓃᑦ, ᐃᒡᓗ, ᕿᓚᐅᔾᔭᖑᐊᖅᑐᖅ ᐊᒻᒪᓗ ᐅᒃᐱᒃ (ᐃᓄᒃᑎᑐᑦ ᐊᑎᖓ ᐃᓚᖏᓐᓄᑦ ᐅᒃᐱᒡᔪᐊᖅ), ᖃᖓᑕᓲᒥ ᑕᖅᓴᓕᐅᖅᑕᐅᓯᒪᔪᐃᓐᓇᐅᕗᑦ ᓱᐴᖅᑐᓂ 737-ᓂᒃ.

ᒪᐃᒃ ᐲᑐᓪ ᐊᔾᔨᓕᐅᕆᔨ, ᓄᖑᕋᐃᓗᐊᖅᑕᐃᓕᔨ ᐊᓃᖅᑎᐅᓂᕐᒧᓪᓗ ᐃᓕᓴᐃᕙᑦᑐᖅ ᐊᕐᕌᒍᓂ 34ᓂ ᓇᒧᕈᓘᔮᖃᑦᑕᖅᓯᒪᓪᓗᓂ ᐊᔾᔨᓕᐅᕆᔨᐅᓯᒪᓪᓗᓂᓗ ᓇᒥᑐᐃᓐᓈᓗᒃ ᓯᓚᕐᔪᐊᕐᒥ. ᐅᖃᓕᒫᒐᓕᐅᖅᓯᒪᔪᖅ ᓂᐅᕕᖅᑕᐅᒐᔪᑦᑐᒥ ᐅᑭᐅᖅᑕᖅᑑᑉ ᒥᒃᓵᓄᑦ “The Magnetic North” ᐊᒻᒪᓗ ᐅᑭᐅᖅᑕᖅᑐᒥᖔᖅᓯᒪᔪᓂ ᐊᔾᔨᓕᐅᑦᑎᐊᖅᓯᒪᔪᐊᓗᓐᓂ ᐊᔾᔨᒌᖏᑦᑐᓄᑦ ᑎᓕᔭᐅᖃᑦᑕᖅᓯᒪᖕᒪᑦ. ᑖᑦᓱᒪᓗ ᐊᔾᔨᓕᐊᕕᓂᖏᑦ ᐱᐅᒋᔭᐅᓂᖅᐹᓂ ᕿᒥᕐᕈᐊᒐᕐᓂ ᐊᑐᖅᑕᐅᓯᒪᕗᑦ ᓯᓚᕐᔪᐊᓕᒫᒥ. ᖃᐅᔨᒋᐊᒃᑲᓐᓂᕈᒪᒍᕕᑦ ᒪᐃᒃ ᒥᒃᓵᓄᑦ ᖃᕋᓴᖓᔭᒃᑯᑦ ᑐᕌᕈᓐᓇᖅᑐᑎᑦ www.mikebeedellphoto.ca.

ᕗᔅ ᑎᐊ ᐃᓄᖕᓂ ᐅᑭᐅᖅᑕᖅᑐᓪᓚᕆᖕᒥᓕ ᐊᕐᕌᒍᓄᑦ 60-ᓄᑦ ᐱᔨᑦᓯᖅᓯᒪᓕᖅᐳᖅ ᐊᒻᒪᓗ ᖃᖓᑕᓂᖃᓲᖑᓪᓗᓂ ᐊᒥᓲᓂᖅᐹᓄᑦ ᓄᓇᓕᖕᓄᑦ ᐅᑭᐅᖅᑕᖅᑐᒥ ᖃᖓᑕᓲᖃᖅᑎᑦᑎᔨᐅᓲᓕᒫᓂ. ᐃᓄᖕᓄᑦ ᐱᒋᔭᐅᓪᓗᓂ ᐃᖅᑲᓇᐃᔭᖅᑎᖃᖅᑐᖅ 1000 ᐅᖓᑖᓂ, ᑖᒃᑯᐊᓗ 450 ᐅᑭᐅᖅᑕᖅᑐᒥ ᐱᓕᕆᔪᑦ ᓄᓇᖃᖅᑐᑎᓪᓗ. ᑐᑭᓯᒋᐊᒃᑲᓐᓂᕈᒪᒍᕕᑦ ᕗᔅ ᑎᐊᒃᑯᑦ ᒥᒃᓵᓄᑦ, ᖃᕋᓴᐅᔭᒃᑯᑦ ᑐᕌᕐᕕᒃᓴᖅ www.firstair.ca.

ᑐᑭᓯᒋᐊᕐᕕᒋᔪᓐᓇᖅᑕᑦ:
ᒥᔅᑕ ᑯᕆᔅ ᕕᐅᕆᔅ
ᐊᖓᔪᖅᑳᑉ ᑐᖏᓕᓂᖓ, ᐊᓚᒃᑲᐅᒪᑎᑦᑎᓂᕐᒧᑦ ᓂᐅᕐᕈᓯᐅᕐᓂᕐᒧᓪᓗ
ᕗᔅ ᑎᐊ
ᐅᖄᓚᐅᑎᖓ: 613-254-6395
cferris@firstair.ca

ᕗᔅᑦ ᐃᐊᕐ-ᒃᑯᑦ ᐊᖏᓪᓕᕙᓪᓕᐊᖏᓐᓇᖅᑐᑦ ᐊᐅᓚᓂᖏᑦ ᐃᓚᓕᐅᔾᔭᐅᓪᓗᓂ ᐊᕐᕕᐊᑦ, ᓄᓇᕗᑦ ᖃᖓᑕᓲᕐᕕᐅᖃᑦᑕᕐᓂᐊᓕᖅᑐᖅ

ᐋᑐᕚ, ᐋᓐᑎᐅᕆᔪ - ᒫᑦᓯ 24, 2009, ᕗᔅᑦ ᐃᐊᕐ, ᐅᑭᐅᖅᑕᖅᑐᑉ ᖃᖓᑕᓲᖓᑦ ᖁᕕᐊᓱᒃᐳᑦ ᑐᓴᖅᑎᑦᑎᔭᕆᐊᒃᓴᖅ ᖃᖓᑕᓲᕐᕕᖃᖃᑦᑕᕐᓂᐊᓕᕐᓂᖓᓂᒃ ᑕᓪᓕᒪᐃᕋᕐᓗᓂ ᐅᓪᓗᓂ ᐱᓇᓱᐊᕈᓯᕐᒥᒃ ᖃᖓᑕᓲᖃᖃᑦᑕᕐᓂᐊᓕᖅᑐᓂ ᐊᕐᕕᐊᓂ ᑲᖏᖅᖠᓂᕐᒧ ᐱᒋᐊᕐᓗᒍ ᐄᐳᕈᓪ 15, 2009. ᑕᒪᓐᓇ ᐱᔨᑦᑎᕐᓂᐅᔪᖅ ᐊᐅᓚᑕᐅᖃᑦᑕᕐᓂᐊᖅᑐᖅ ᐅᓈᓕᒃ ᖃᖓᑕᓲᖅᑎᒃᑯᖏᓐᓄᑦ ᐊᑐᕐᓗᑎᑦ ᖃᖓᑕᓲᕐᒥ 99-ᒥ ᐊᕐᕕᐊᒦᓪᓗᓂ ᑭᒡᒐᖅᑐᐃᓗᑎᑦ ᕗᔅᑦ ᐃᐊᕐ-ᒃᑯᓐᓂ ᐊᒻᒪᓗ ᑎᑭᐅᑎᖃᑦᑕᕐᓂᐊᖅᑐᑎᑦ ᕗᔅᑦ ᐃᐊᕐ-ᒃᑯᑎᒍᑦ ᑲᖏᖅᖠᓂᕐᒥ ᐊᐅᓪᓚᕐᓂᐊᓕᕋᐃᒍᑎᑦ.

ᑖᓐᓇ ᓄᑖᖅ ᐱᔨᑦᑎᕐᓂᐅᔪᖅ ᕿᓚᒥᐅᓂᖅᓴᖅ ᐊᐅᓪᓚᖅᓯᒪᓂᖃᖅᑎᑦᑎᓂᐊᖅᑐᖅ ᐊᕐᕕᐊᕐᓂ ᐊᒻᒪᓗ ᓄᓇᓕᖏᓐᓂ ᕕᓂᐱᒡ-ᒥ, ᐃᖃᓗᓐᓄᑦ, ᐃᐊᑦᒪᓐᑕᓐᒧᑦ ᐊᒻᒪᓗ ᔭᓗᓇᐃᑉ-ᒧᑦ. ᖃᖓᑕᓲᒃᑯᑦ ᐊᐅᓪᓚᖃᑦᑕᕐᓂᐊᖅᑐᑦ ᐊᕐᕕᐊᓃᙶᕐᓗᑎᑦ 12:15-ᒥ ᑎᑭᓪᓗᑎᑦ ᑲᖏᖅᖠᓂᕐᒧᑦ 12:55-ᒨᖅᑎᓪᓗᒍ ᓇᒡᒐᔾᔭᐅᒥ ᐅᓪᓗᑐᐃᓐᓇᕐᒧᑦ. ᐅᑎᕆᐊᖃᑦᑕᕐᓂᐊᖅᑐᓂ ᑲᖏᖅᖠᓂᕐᒥ ᐊᐅᓪᓚᕐᓗᑎᑦ 14:00-ᒥ ᑎᑭᓪᓗᑎᑦ ᐊᕐᕕᐊᓄᑦ 14:40.

“ᖃᖓᑕᓲᕐᕕᒋᕙᑦᑕᕗᑦ ᐊᒥᓱᕈᖅᐸᓪᓕᐊᓂᖓᑦ ᑭᕙᓪᓕᕐᒥ ᐊᑲᐅᒋᔭᐅᓂᕋᖅᑕᐅᕗᖅ.” ᐅᖃᖅᑐᓂ ᔅᑳᑦ ᕙᐃᑦᒪᓐ, ᐊᖓᔪᖅᑳᖅ ᑐᑭᒧᐊᖅᑎᑦᑎᐅᔪᕐᓗ ᕗᔅᑦ ᐃᐊᕐ-ᒃᑯᓐᓂ. “ᐊᕐᕕᐊᕐᒥᐅᑦ, ᓄᓇᕗᒥ ᐊᖏᓂᖅᐹᖑᖃᑕᐅᔪᖅ ᓄᓇᓕᖓᑦ, ᐅᓪᓗᖅᓴᐃᓐᓇᕐᒥ ᐊᐅᓪᓚᕈᓐᓇᕐᓂᐊᕐᒪᑕ ᕗᔅᑦ ᐃᐊᕐ-ᒃᑯᑎᒍᑦ ᑲᓇᓐᓇᕐᒥ-ᐱᖓᓐᓇᒧᑦ ᐊᒻᒪᓗ ᐅᐊᓐᓇᒥ-ᓂᒋᐊᓄᑦ ᖃᖓᑕᓲᕐᕕᒋᕙᒃᑕᑎᓐᓄᑦ ᐱᔨᑦᑎᑕᑦᑎᓐᓂ ᐱᔨᑦᑎᖅᑎᐊᕐᓂᕆᔭᑦᑎᓐᓂ ᐱᐅᒃᓴᓯᓐᓈᕐᓗᑎᑦ”.

ᐊᕐᕕᐊᑦ ᐃᓚᓕᐅᔾᔭᐅᓪᓗᓂ, ᕗᔅᑦ ᐃᐊᕐ-ᒃᑯᑦ ᖃᖓᑕᓲᒃᑰᕈᓐᓇᖅᑎᑦᑎᕗᑦ ᐅᓯᓕᖅᓱᐃᔪᓐᓇᖅᑐᑎᓪᓗ 26-ᓄᑦ ᐅᑭᐅᖅᑕᖅᑐᒥ ᓄᓇᓕᓐᓂ ᓄᓇᕕᒻᒥ, ᓄᓇᕗᒥ, ᓄᓇᑦᓯᐊᕐᒥ ᐊᒻᒪᓗ ᔫᑳᓐ-ᒥ ᐱᔨᑦᑎᖅᐸᑦᑐᑎᓪᓗ ᖃᖓᑕᓲᖃᖅᐸᑦᑐᑎᓪᓗ ᐃᐊᑦᒪᓐᑕᓐᒥ, ᕕᓂᐱᒡ-ᒥ, ᐋᑐᕚᒥ ᐊᒻᒪᓗ ᒪᓐᑐᕆᐊᓪᒥ. ᕗᔅᑦ ᐃᐊᕐ-ᒃᑯᑦ ᐃᖅᑲᓇᐃᔭᖅᑎᖏᑦ, 400 ᐃᖅᑲᓇᐃᔭᖅᑏᑦ ᐱᖃᓯᐅᑎᓪᓗᒋᑦ ᐅᑭᐅᖅᑕᖅᑐᒥᐅᑕᐅᓪᓗᑎᑦ ᐃᖅᑲᓇᐃᔭᖅᑐᑎᓪᓗ ᐅᑭᐅᖅᑕᖅᑐᒥ, ᑲᒪᒋᔭᖃᕐᓂᐊᕐᓂᕋᖅᓯᒪᕗᐃᑦ ᐱᔨᑦᑎᖅᑕᑦᑎᓐᓂ ᑲᒪᒋᔭᖃᑦᑎᐊᕐᓗᑎᑦ ᐊᒻᒪᓗ ᐅᑉᐱᕈᓱᒃᑐᑎᑦ ᐱᐅᓯᑎᑦᑎᒋᐊᖏᓐᓇᕐᓂᕐᒥᒃ ᖃᓄᐃᑦᑐᑐᐃᓐᓇᕐᓂᒃ ᕗᔅᑦ ᐃᐊᕐ-ᒃᑯᓐᓂ “ᐅᑭᐅᖅᑕᖅᑐᑉ ᖃᖓᑕᓲᖓᑦ.” ᐃᓂᒃᓴᓕᐅᕈᓐᓇᖅᑐᑦ ᕗᔅᑦ ᐃᐊᕐ-ᒃᑯᑎᒍᑦ ᐃᓂᒃᓴᓕᐅᕐᕕᖓᓄᑦ ᐅᖄᓚᓗᑎᑦ 1-800-267-1247 ᐅᕝᕙᓘᓐᓃᑦ ᖃᕋᓴᐅᔭᖅᑎᒍᑦ www.firstair.ca

ᖃᐅᔨᒋᐊᕐᕕᒃᓴᖅ:
ᒥᔅᑕ ᑯᕆᔅ ᐱᐅᕆᔅ
ᐊᖓᔪᖅᑳᑉ ᑐᖏᓕᖓᑦ, ᓂᐅᕕᐊᒃᓴᐅᔪᒥᓇᕐᓂᖅᓴᐅᔪᓕᕆᔨᒃᑯᑦ ᓂᐅᕕᐊᒃᓴᓕᕆᔨᒃᑯᑦ
ᐅᖄᓚᐅᑎᖓᑦ: 613-254-6414
cferris@firstair.ca

ᕗᔅᑦ ᐃᐊᕐ−ᒃᑯᑦ ᓄᓇᕗᒥ ᖃᖓᑕᓂᕆᕙᒃᑕᖏᑦ ᐊᒥᓱᕈᕆᐊᒃᑲᓐᓂᕆᕗᐃᑦ ᓴᖅᑭᑕᐅᓂᖓᓂᒃ ᖃᒪᓂ’ᑐᐊᕐᒥ ᖃᖓᑕᓲᖃᑦᑕᕐᓂᐊᕐᓂᖓᑦ ᑲᖏᖅᖠᓂᕐᒧᑦ

ᐋᑐᕚ, ᐋᓐᑎᐅᕆᔪ − ᒫᑦᓯ 3, 2009, ᕗᔅᑦ ᐃᐊᕐ, ᐅᑭᐅᖅᑕᖅᑐᑉ ᖃᖓᑕᓲᖓᑦ ᖁᕕᐊᓱᒃᐳᑦ ᑐᓴᖅᑎᑦᑎᔭᕆᐊᒃᓴᖅ ᖃᖓᑕᓲᖃᖃᑦᑕᕐᓂᐊᓕᕐᓂᖓᓂᒃ ᑕᓪᓕᒪᐃᕋᕐᓗᑎᑦ ᐱᓇᓱᐊᕈᓯᕐᒥ ᑲᖏᖅᖠᓂᕐᒥ ᐊᒻᒪᓗ ᖃᒪᓂ’ᑐᐊᕐᒧᑦ ᐱᒋᐊᕐᓗᒍ ᒫᑦᓯ 16, 2009. ᑕᒪᓐᓇ ᐱᔨᑦᑎᕐᓂᖓᑦ ᐊᐅᓚᑕᐅᓂᐊᖅᑐᖅ ᐅᓈᓕᒃ ᖃᖓᑕᓲᓕᕆᔨᒃᑯᓐᓄᑦ ᑭᒡᒐᖅᑐᐃᓗᑎᑦ ᕗᔅᑦ ᐃᐊᕐ−ᒃᑯᓐᓂ ᐊᒻᒪᓗ ᐊᙳᑎᖃᑦᑕᕈᓐᓇᕐᓂᐊᖅᑐᑎᑦ ᑐᓴᖅᑎᑕᐅᑎᑦᑎᓂᕆᓚᐅᖅᑕᖏᑦ ᕗᔅᑦ ᐃᐊᕐ−ᒃᑯᑦ ᖃᖓᑕᓲᕐᓂᕆᖃᑦᑕᕐᓂᐊᖅᑕᖏᑦ ᑲᖏᖅᖠᓂᕐᒥ, ᓄᓇᕗᒥ ᐊᒻᒪᓗ ᕕᓂᐱᒡ−ᒧᑦ, ᒫᓂᑑᕙᒧᑦ.

ᑕᒪᓐᓇ ᐱᔨᑦᑎᕐᓂᐅᔪᖅ ᖃᖓᑕᓲᖃᖃᑦᑕᕐᓂᐊᓕᕐᓂᖓᑦ ᐊᐅᓪᓚᖅᑎᑦᑎᓂᖃᑦᑎᐊᕈᓐᓇᕐᓂᐊᖅᑐᖅ ᓄᖅᑲᖅᑕᙱᓐᓂᖅᓴᐅᓗᑎᑦ ᖃᒪᓂ’ᑐᐊᕐᒥ ᐊᒻᒪᓗ ᓄᓇᓕᖏᓐᓂ ᕕᓂᐱᒡ−ᒧᑦ, ᐃᖃᓗᓐᓄᑦ, ᐃᐊᑦᒪᓐᑕᓐᒧᑦ ᐊᒻᒪᓗ ᔭᓗᓇᐃᑉ−ᒧᑦ. ᖃᒪᓂ’ᑐᐊᕐᒦᙶᖅᑐᖅ ᖃᖓᑕᓲᖅ ᐊᐅᓪᓚᖃᑦᑕᕐᓂᐊᖅᑐᖅ 11:45-ᒨᕋᐃᑉᐸᑦ ᑎᑭᓪᓗᓂ ᑲᖏᖅᖠᓂᕐᒧᑦ 12:30-ᒧᑦ ᓇᒡᒐᔾᔭᐅᒥ ᐅᓪᓗᑐᐃᓐᓇᕐᒧᑦ ᐊᑐᕐᓗᑎᑦ ᐅᓈᓕᒃ ᖃᖓᑕᓲᓕᕆᔨᖏᑦ ᕖᑦᔅ 99 ᖃᖓᑕᓲᖓᓂᒃ.

“ᑕᒪᓐᓇ ᖃᖓᑕᓲᕐᓂᐅᖃᑦᑕᕐᓂᐊᖅᑐᖅ ᑲᓱᖅᑎᑦᑎᓂᖃᖃᑦᑕᕐᓂᐊᖅᑐᖅ ᕗᑦᔅ ᐃᐊᕐ−ᒃᑯᓐᓂ ᐃᓄᐃᑦ ᓄᓇᓕᓐᓂᒥᐅᑦ ᑐᒃᓯᕌᕆᖃᑦᑕᖅᓯᒪᔭᖓᑦ,” ᐅᖃᖅᑐᓂ ᔨᒥ ᐅᓈᓕᒃ, ᐊᖓᔪᖅᑳᖓᑦ ᐅᓈᓕᒃ ᖃᖓᑕᓲᓕᕆᔨᒃᑯᓐᓂ. “ᖃᐅᔨᒪᒐᑦᑕ ᖃᖓᑕᓲᖅᐸᑦᑐᐃᑦ ᑕᒫᓂ ᖁᕕᐊᓱᒍᑎᖃᕐᓂᐊᖅᑐᑦ ᑕᒪᒃᓱᒥᖓ ᐱᓕᕆᐊᕆᔭᑦᑎᓐᓂ.”

“ᑕᒪᓐᓇ ᖃᖓᑕᓲᕐᓂᐅᖃᑦᑕᕐᓂᐊᓕᖅᑐᖅ ᖃᒪᓂ’ᑐᐊᕐᒧᑦ ᐃᓚᒋᓕᐅᑎᕙᐅᒃ ᕗᔅᑦ ᐃᐊᕐ−ᒃᑯᑦ ᖃᖓᑕᓲᕐᓂᕆᖃᑦᑕᒃᑲᓐᓂᕐᓂᐊᓕᕐᓂᖏᑦ, ᓄᖅᑲᕐᓗᑎᑦ ᐊᖏᓂᖅᐹᖏᓐᓄᑦ ᓄᓇᓕᓐᓄᑦ ᓄᓇᕗᒥ ᐊᒥᓱᓄᑦ ᓄᖅᑲᖅᑕᕐᕕᒋᕙᒃᑕᑎᓐᓄᑦ.” ᐅᖃᖅᑐᓂ ᔅᑳᑦ ᕙᐃᑦᒪᓐ, ᐊᖓᔪᖅᑳᖅ ᐊᒻᒪᓗ ᐊᐅᓚᑦᑎᔨ ᕗᔅᑦ ᐃᐊᕐ−ᒃᑯᓐᓂ. “ᑖᓐᓇ ᕗᔅᑦ ᐃᐊᕐ−ᒃᑯᓐᓄᑦ ᐱᔨᑦᑎᕈᑕᐅᔪᖅ ᐱᔪᓐᓇᖅᑎᑦᑎᕗᖅ ᖃᒪᓂ’ᑐᐊᕐᒥᐅᑕᕐᓂᑦ ᖃᖓᑕᓲᑯᑖᓗᐊᖅᑕᐃᓕᒪᑎᑦᑎᓂᖃᕐᓗᓂ ᕕᓂᐱᒡ−ᒧᑦ ᐊᒻᒪᓗ ᐊᑐᕐᓗᑎᑦ ᕗᔅᑦ ᐃᐊᕐ−ᒃᑯᑦ ᐱᔨᑦᑎᕋᑦᑎᐊᓛᖑᓂᖏᓐᓂᒃ”.

ᒫᓐᓇ ᐱᖃᓯᐅᔾᔨᖃᑦᑕᕐᓂᐊᓕᖅᑐᖅ ᖃᒪᓂ’ᑐᐊᕐᒥ, ᕗᔅᑦ ᐃᐊᕐ−ᒃᑯᑦ ᖃᖓᑕᓲᕈᓐᓇᖅᑎᑦᑎᓂᐊᓕᖅᑐᐃᑦ ᐊᒻᒪᓗ ᐅᓯᓕᖅᓱᐃᒍᓐᓇᕐᓗᑎᑦ 25−ᓄᑦ ᓄᓇᓕᐅᔪᓄᑦ ᓄᓇᕕᒻᒥ, ᓄᓇᕗᒥ, ᓄᓇᑦᓯᐊᕐᒥ ᐊᒻᒪᓗ ᔫᑳᓐ−ᒥ ᖃᖓᑕᓲᖅᐸᓪᓗᑎᓪᓗ ᐃᐊᑦᑕᒪᓐᑕᓐ−ᒧᑦ, ᕕᓂᐱᒡ−ᒧᑦ, ᐋᑐᕚ−ᒧᑦ ᐊᒻᒪᓗ ᒪᓐᑐᕆᐊᓪ−ᒧᑦ. ᐅᖓᑖᓃᑦᑐᐃᑦ 1,000 ᕗᔅᑦ ᐃᐊᕐ−ᒃᑯᓐᓂ ᐃᖅᑲᓇᐃᔭᖅᑎᖏᑦ ᐱᓕᕆᐊᖃᖃᑦᑕᖅᑐᐃᑦ ᐱᐅᔪᒥᒃ ᐱᔨᑦᑎᕋᖅᐸᑦᑐᑎᑦ ᖃᖓᑕᓲᖅᑎᐅᔪᓄᑦ ᐊᒻᒪᓗ ᐅᑉᐱᕆᔭᐅᒃᑲᓐᓂᓕᖅᑐᓂ ᐱᐅᓯᑎᑦᑎᒋᐊᖏᓐᓇᕐᓂᖃᓲᖑᓂᖏᓐᓂᒃ ᕗᔅᑦ ᐃᐊᕐ−ᒃᑯᑦ “ᐅᑭᐅᖅᑕᖅᑐᑉ ᖃᖓᑕᓲᕆᒻᒪᒍ.”

ᖃᐅᔨᒋᐊᕐᕕᒃᓴᖅ:
ᒥᔅᑕ ᑯᕆᔅ ᐱᐅᕆᔅ
ᐊᖓᔪᖅᑳᑉ ᑐᖏᓕᖓᑦ, ᓂᐅᕕᐊᒃᓴᐅᔪᒥᓇᕐᓂᖅᓴᐅᔪᓕᕆᔨᒃᑯᑦ ᓂᐅᕕᐊᒃᓴᓕᕆᔨᒃᑯᑦ
ᐅᖄᓚᐅᑎᖓᑦ: 613-254-6414
cferris@firstair.ca

ᕗᔅᑦ ᐃᐊᕐ-ᒃᑯᑦ ᑐᓴᖅᑎᑦᑎᕗᑦ ᖃᖓᑕᓲᖃᖃᑦᑕᒃᑲᓐᓂᕐᓂᐊᕐᓂᖓᓂᒃ ᕕᓂᐱᒡ-ᒥ ᑲᖏᖅᖠᓂᕐᒧᑦ

ᐋᑐᕚ, ᐋᓐᑎᐅᕆᔪ - ᕖᕝᕗᐊᕆ 16, 2009 - ᐱᒋᐊᖅᑐᒍ ᒫᑦᓯ 2, 2009 ᖃᖓᑕᓲᖅᐸᑦᑐᐃᑦ ᐊᑲᐅᓈᖅᓯᖃᑦᑕᕐᓂᐊᓕᕐᒥᔪᐃᑦ ᖃᖓᑕᓲᖃᖃᑦᑕᕐᓂᐊᓕᕐᓂᖓᓂᒃ ᑲᖏᖅᖠᓂᕐᒥ, ᓄᓇᕗᒥ ᐊᒻᒪᓗ ᕕᓂᐱᒡ-ᒧᑦ, ᒫᓂᑑᕙᒥ. ᕗᔅᑦ ᐅᐊᕐ, “ᐅᑭᐅᖅᑕᖅᑐᑉ ᖃᖓᑕᓲᖓᑦ”, ᐊᐅᓪᓚᖃᑦᑕᕐᓂᐊᖅᑐᐃᑦ ᑕᓪᓕᒪᐃᑦ ᐅᓪᓗᑦ ᐱᓇᓱᐊᕈᓯᕐᒥ ᑖᒃᑯᓄᖓᒃ ᓄᓇᓕᐅᔫᓐᓄᒃ ᖃᖓᑕᓲᖓᑦ 737-ᒃᑯᑦ.

ᖃᖓᑕᓲᖅᐸᑦᑐᐃᑦ ᐊᑲᕐᕆᔮᕐᓇᖅᑐᒃᑰᒃᑲᓐᓂᖃᑦᑕᕈᓐᓇᕐᓂᐊᓕᕐᒥᔪᐃᑦ ᕗᔅᑦ ᐅᐊᕐ-ᒃᑯᑦ ᖃᖓᑕᓲᓕᕆᔨᐅᔪᐃᑦ ᐊᐅᓪᓚᖅᑎᑦᑎᓲᖑᔪᓂᒃ ᓄᖅᑲᖅᑕᕐᕕᖃᙱᓪᓗᑎᑦ ᓂᕆᑎᒃᑎᖃᑦᑕᕐᓂᐊᖅᑐᑎᑦ, ᐃᑦᑎᕐᕕᒡᒋᓲᖑᓂᐊᕐᓗᑎᑦ ᐊᒻᒪᓗ ᐱᔨᑦᑎᕋᖅᑕᐅᑦᑎᐊᖅᐸᓪᓗᑎᑦ. ᐊᐅᓪᓚᖃᑦᑕᕐᓂᐊᖅᑐᐃᑦ ᓇᒡᒐᔾᔭᐅᒥ ᐅᓪᓗᑐᐃᓐᓇᕐᒧᑦ ᐊᒻᒪᓗ ᖃᖓᑕᑯᑖᙱᓐᓂᖅᓴᐅᒍᓐᓇᖅᑎᑕᐅᓂᐊᖅᑐᑎᑦ ᖃᖓᑕᓲᖅᐸᑦᑐᐃᑦ ᐊᕝᕙᖓᓂ ᐊᑯᓂᐅᑎᒋᔪᖅ ᖃᖓᑕᙱᓂᖅᓴᐅᕙᓪᓗᑎᑦ ᖃᖓᑕᓲᕐᓂᕆᕙᒃᑕᖏᓐᓂᒃ.

“ᓈᓚᒃᓯᒪᒐᑦᑎᒍ ᐃᓱᒫᓗᒍᑎᒋᔭᖏᑦ ᐃᓄᐃᑦ, ᓇᒻᒥᓂᓖᑦ ᐊᒻᒪᓗ ᓯᕗᓕᖅᑎᐅᔪᐃᑦ ᑕᐃᑲᓂ ᐊᕕᒃᑐᖅᓯᒪᔪᒥ ᐊᒻᒪᓗ ᐅᑉᐱᕈᓱᒃᑐᑕ ᑕᒪᓐᓇ ᐱᕕᖃᕐᓂᐅᔪᖅ ᖃᖓᑕᓲᕐᓂᕆᖃᑦᑕᕐᓂᐊᖅᑕᕗᑦ ᑲᔪᓯᓂᖃᑦᑎᐊᕈᓐᓇᕐᓂᐊᕐᒪᑦ”, ᐅᖃᖅᑐᓂ ᔅᑳᑦ ᕙᐃᑦᒪᓐ, ᐊᖓᔪᖅᑳᖅ ᐊᒻᒪᓗ ᑐᑭᒧᐊᖅᑎᑦᑎᔨ ᕗᔅᑦ ᐃᐊᕐ-ᒃᑯᓐᓂ. “ᑭᒃᑯᓕᒫᕐᓄᑦ ᐃᑲᔪᖅᑐᖅᑕᐅᔪᒪᖃᑦᑎᐊᕐᓂᐊᕐᒥᔪᒍᑦ ᑕᒪᔅᓱᒥᖓ ᐱᔨᑦᑎᕋᖅᑕᐅᖃᑦᑕᕈᒪᔪᒥᓂᕐᓂᒃ ᐊᑐᖅᑕᐅᖃᑦᑕᕈᓐᓇᑦᑎᐊᕐᓂᐊᕐᒪᑦ ᐊᒻᒪᓗ ᖃᖓᑕᓲᖔᖁᖃᑦᑕᕐᓗᒋᑦ ᕗᔅᑦ ᐃᐊᕐ-ᒃᑯᑎᒍᑦ”.

ᕗᔅᑦ ᐃᐊᕐ, “ᐅᑭᐅᖅᑕᖅᑐᑉ ᖃᖓᑕᓲᖓᑦ” ᐋᖅᑭᒃᓯᒪᔪᒃᑯᑦ ᓇᓗᓇᐃᖅᓯᒪᓪᓗᑎᑦ ᖃᖓ ᐊᐅᓪᓚᖃᑦᑕᕐᓂᐊᕐᓂᖏᑕ ᐃᑭᒪᕕᐅᔪᓐᓇᖅᑐᖏᑕ ᐊᒻᒪᓗ ᐅᓯᔪᓐᓇᕐᓂᖏᑕ ᐊᐅᓪᓚᓲᖑᕗᐃᑦ 24-ᓄᑦ ᓄᓇᓕᐅᔪᓄᑦ ᓄᓇᕕᒻᒥ, ᓄᓇᕗᒥ, ᓄᓇᑦᓯᐊᕐᒥ ᐊᒻᒪᓗ ᔫᑳᓐ-ᒥ ᑎᑭᑉᐸᑦᑐᑎᓪᓗ ᐃᐊᑦᒪᓐᑕᓐ-ᒧᑦ, ᕕᓂᐱᒡ-ᒧᑦ, ᐋᑐᕚ-ᒧᑦ ᐊᒻᒪᓗ ᒪᓐᑐᕆᐊᓪ-ᒧᑦ.

ᖃᐅᔨᒋᐊᕐᕕᒃᓴᖅ:
ᒥᔅᑕ ᑯᕆᔅ ᐱᐅᕆᔅ
ᐊᖓᔪᖅᑳᑉ ᑐᖏᓕᖓᑦ, ᓂᐅᕕᐊᒃᓴᐅᔪᒥᓇᕐᓂᖅᓴᐅᔪᓕᕆᔨᒃᑯᑦ ᓂᐅᕕᐊᒃᓴᓕᕆᔨᒃᑯᑦ
ᐅᖄᓚᐅᑎᖓᑦ: 613-254-6414
cferris@firstair.ca

ᕗᔅᑦ ᐃᐊᕐ-ᒃᑯᑦ ᑐᓴᖅᑎᑦᑎᕗᑦ ᖃᖓᑕᓲᖃᑦᑕᕈᓐᓃᓐᓂᐊᕐᒪᑕ ᕕᓂᐱᒡᒥ ᑲᖏᖅᖠᓂᕐᒧᑦ

ᐋᑐᕚ, ᐋᓐᑎᐅᕆᔪ - ᐋᒡᒌᓯ 15, 2008 - ᖃᖓᑕᓲᖅᐸᖓᑦ ᖃᖓᑕᓲᖃᑦᑕᖅᑐᖅ ᕕᓂᐱᒡᒥ, ᒫᓂᕙ ᐊ ᓄᓇᓕᐅᔫᒃ ᑲᖏᖅᖠᓂᖅ, ᓄᓇᕗᑦ ᐊᒻᒪᓗ ᑖᒻᑉᓴᓐ ᒫᓂᑐᕙ ᓄᖅᑲᖅᑎᑕᐅᓂᐊᓕᕐᒪᑦ. ᕗᔅᑦ ᐃᐊᕐ-ᑉ ᑭᖑᓪᓕᖅᐹᒥ ᖃᖓᑕᓲᕐᕕᒋᓛᖅᑕᖏᒃ ᓈᑦᑏᖑᔭᐅᓕᖅᐸᑦ ᓯᑏᕝᕙ 14, 2008-ᒥ. ᐃᑭᒪᔪᖃᑦᑎᐊᕈᓐᓃᕐᓂᖓᓄᑦ ᑭᕙᓪᓕᑉ ᓄᓇᖏᓐᓂ ᓄᓇᕗᒥ ᐊᒻᒪᓗ ᕕᓂᐱᒡᒥ ᐄᐳᕈᓪ 1, 2008-ᒥᓂᑦ ᐱᔾᔪᑎᒋᓗᐊᙳᐊᖅᑕᖓᑦ ᓄᖅᑲᕈᑎᒋᓂᐊᓕᖅᑐᓂᐅᒃ.

ᕗᔅᑦ ᐃᐊᕐ-ᒃᑯᑦ ᐅᓯᓕᖅᓱᐃᔨᖓᑦ ᖃᖓᑕᓲᖏᑦ ᕕᓂᐱᒡᒥ ᑲᖏᖅᖠᓂᕐᒧᑦ ᐊᑐᕐᓗᑎᑦ ᖃᖓᑕᓲᖅ 737-ᒥ ᑲᔪᓯᓂᐊᖅᑐᖅ ᖃᖓᑕᓲᖃᑦᑕᕐᓗᑎᑦ ᐱᖓᓱᐊᖅᑎᖃᑦᑕᕐᓂᐊᕐᓗᑎᑦ ᐱᓇᓱᐊᕈᓯᕐᒥ.

ᐃᑭᒪᓂᐊᖅᑐᒥᓂᐅᔫᒐᓗᐊᑦ ᖃᖓᑕᓲᒃᑯᑦ ᑭᖑᓂᐊᒍᑦ ᓯᑏᕝᕙ 14, 2008 ᖃᐅᔨᒋᐊᕐᕕᖃᕆᐊᖃᖅᑐᐃᑦ ᖃᖓᑕᓲᓕᕆᔨᒃᑯᓐᓄᑦ ᐅᕝᕙᓘᓐᓃᑦ ᕗᔅᑦ ᐃᐊᕐ-ᑉ ᐃᓂᒃᓴᓕᐅᕐᕕᖓᓄᑦ 1 800 267 1247 ᐅᑎᖅᑎᑦᑎᕕᐅᒐᔭᕐᒪᑕ.

ᕗᔅᑦ ᐃᐊᕐ, “ᐅᑭᐅᖅᑕᖅᑐᒥ ᖃᖓᑕᔫᖓᑦ” ᖃᖓᑕᓲᖅᐸᑦᑐᓄᑦ ᐊᐅᓪᓚᐅᔾᔨᔨᐅᕗᑦ ᐊᒻᒪᓗ ᐅᓯᓕᖅᓱᐃᔨᐅᓪᓗᑎᑦ 25-ᓄᑦ ᐅᑭᐅᖅᑕᖅᑐᒥ ᓄᓇᖏᓐᓄᑦ ᓄᓇᕕᒻᒥ, ᓄᓇᕗᒥ, ᓄᓇᑦᓯᐊᕐᒥ ᐊᒻᒪᓗ ᔫᑳᓂᒥ ᖃᖓᑕᓲᓲᖑᓪᓗᑎᓪᓗ ᐃᐊᑦᒪᓐᑕᓐ-ᒧᑦ, ᕕᓂᐱᒡ, ᐋᑐᕚ ᐊᒻᒪᓗ ᒪᓐᓂᑐᕆᐊᓪ. www.firstair.ca

ᖃᐅᔨᒋᐊᕐᕕᒃᓴᖅ: ᒥᔅᑕ ᔅᑳᑦ ᕙᐃᑦᒪᓐ
ᐊᖓᔪᖅᑳᑉ ᑐᖏᓕᖓᑦ, ᓂᐅᕐᕈᖃᑦᑕᖅᑐᓕᕆᓂᕐᒧᑦ ᐊᐅᓚᓂᖏᓐᓄᑦ
ᐅᖄᓚᐅᑎᖓᑦ: 613 254 6394
sbateman@firstair.ca

ᕘᔅᑦ ᐃᐅᒃᑯᑦ ᐱᖓᔪᒋᔭᐅᓪᓗᑎᒃ ᐃᓂᒃᓴᓕᐅᖅᓯᒪᔪᑎᒍᑦ ᐊᔾᔭᖅᓯᔨᐅᕗᑦ ᑲᓇᑕᒥ. ᐊᐅᓚᑦᑎᓂᖃᖅᑐᑦ 30 ᖃᖓᑕᓲᓂᒃ, ᐊᒻᒪᓗ ᐱᔨᑦᑎᕋᖅᐸᒃᑐᑦ 30 ᐅᖓᑎᐊᓄᑦ ᖃᖓᑕᓲᖑᔪᓂᒃ, ᐊᒻᒪᓗ ᐱᔨᑦᑎᕋᖅᐸᒃᑐᑦ 30 ᐅᖓᑎᐊᓃᑦᑐᓂᒃ ᓄᓇᓕᐅᔪᓄᑦ, ᓵᓐᖓᓂᖃᓪᓗᐊᑕᖅᑐᑦ ᐃᑭᒪᔨᐊᕆᕙᒃᑕᖏᓐᓂᒃ ᐊᒻᒪᓗ ᐅᓯᓕᖅᓱᕆᐊᖃᖅᐸᒃᑕᖏᓐᓂᒃ ᑲᓇᑕᐅᑉ ᐅᑭᐅᖅᑕᖅᑐᖏᓐᓄᑦ.