ᕘᔅᑦ ᐃᐅ ᒥᒃᓵᓄᑦ
ᑲᒻᐸᓂᑯᑦ ᖃᓄᐃᓕᖓᓂᕆᖃᑦᑕᖅᓯᒪᔭᖓᑦ
ᓵᑕᖅᓯᓂᕐᒧᑦ ᐱᔨᑦᓯᕈᑏᑦ
ᖃᖓᑕᓲᓄᑦ ᐊᖁᑎᐅᓕᒻᒪᒃᓴᖅᑎᑦᑎᓂᖅ ᐊᒻᒪᓗ ᖃᖓᑕᓲᕋᓛᑦ, ᓄᓇᓕᖓᓂ ᓵᑕᖅᓯᓂᕐᒧᑦ ᐱᓕᕆᐊᖑᓯᒪᔪᑦ ᐱᓇᓱᐊᕈᑎᒋᓯᒪᔭᖏᑦ ᑲᒻᐸᓂᒃᑯᑦ ᐊᐅᓚᓂᕆᔭᖏᓐᓂ ᑎᑭᓪᓗᒍ 1950 ᕿᑎᖅᐸᓯᖏᓐᓂ. ᐱᒋᐊᖅᑎᑕᐅᓂᖓ ᐅᓇᑕᖅᑐᒃᓴᑯᑦ ᓈᓚᕝᕕᖏᓐᓂᒃ ᓴᓇᔭᐅᓂᖓ ᓯᕗᓪᓕᐹᖑᓪᓗᓂ ᐊᖏᓂᖅᐹᖅ ᐱᓇᓱᐊᕈᑎᐅᓯᒪᓪᓗᓂ ᐊᖏᓪᓕᒋᐊᖅᓯᒪᔪᓂᒃ ᐊᐅᓚᓂᕆᔭᐅᓕᖅᓯᒪᕗᑦ.
ᐊᕐᕌᒍᖏᓐᓂ ᓯᑕᒪᑦ ᓯᐊᔅᓇ 180 (Cessna 180) ᖃᖓᑕᓲᑦ ᓄᓇᑦᓯᐊᕐᒥ ᐊᑐᓕᖅᑎᑕᐅᓚᐅᖅᓯᒪᖕᒪᑕ ᓵᑕᖅᑕᐅᖃᑦᑕᕐᓗᑎᒃ ᐊᒻᒪᓗ ᖃᖓᑕᓪᓗᑎᒃ ᖃᐅᔨᓴᖅᑕᐅᑎᓪᓗᒋᑦ ᐅᓇᑕᖅᑐᒃᓴᒃᑯᑦ ᓈᓚᐅᑎᖃᕐᕕᒃᓴᖏᑦ ᓴᓇᔭᐅᒐᔭᕐᓂᖏᓐᓄᑦ ᐱᓕᕆᑎᑦᑎᔨᐅᔪᓂᑦ. ᑖᓐᓇ ᐱᒋᐊᕈᑎᑐᐃᓐᓇᐅᓯᒪᓪᓗᓂ ᐊᖏᓪᓕᒋᐊᖅᑕᐅᓂᖓᓄᑦ ᐱᓇᓱᐊᖅᑕᐅᔪᒥᒃ ᑕᑯᓯᒪᓪᓗᓂᔾᔪᒃ ᑲᒻᐸᓂᒃᑯᑦ ᐅᑭᐅᖅᑕᖅᑐᒥ ᖃᖓᑕᓂᒃᑯᑦ ᐅᓯᒐᔪᓐᓂᖅᐹᖑᓯᒪᓕᕐᓂᖏᓐᓄᑦ ᓄᓇᕐᔪᐊᓕᒫᒥ.
1958-ᒥ ᑲᒻᐸᓂᒃᑯᑦ ᐊᐅᓚᓂᖃᓪᓗᐊᑕᓕᓚᐅᖅᓯᒪᔪᑦ ᖁᑦᑎᒃᑐᕐᒥᐅᑦ ᕿᑭᖅᑕᖏᓐᓂ ᐃᑲᔪᖅᓱᐃᓪᓗᑎᒃ ᓄᓇᙳᐊᓂᒃ ᖃᐅᔨᓴᕐᓂᕐᒧᑦ ᑲᓇᑕᒥ ᐊᑐᕐᓗᑎᒃ ᐅᕿᑦᑐᒃᓴᔭᐃᑦ ᖃᖓᑕᓲᓂᒃ ᑕᐃᔭᐅᔪᑦ Piper Super Cubs ᓄᓇᐃᓐᓇᕐᒥ ᓴᓇᔭᐅᓯᒪᓪᓗᓂ ᕘᔅᑦ ᐃᐅᒃᑯᑦ ᐃᖅᑲᓇᐃᔭᖅᑎᖏᓐᓂᑦ.
1958-1968-ᖏᓐᓂ ᓵᑕᖅᓯᖃᑦᑕᕐᓂᖅ ᐅᑭᐅᖅᑕᖅᑑᑉ ᕿᑭᖅᑕᖏᓐᓂ ᐱᕈᖅᐸᓪᓕᐊᖏᓐᓇᓕᓚᐅᖅᓯᒪᕗᖅ ᐊᒻᒪᓗ ᐊᖏᓪᓕᕙᓪᓕᐊᑐᐃᓐᓇᖅᓱᓂ. ᐊᖏᓂᕐᓴᐃᑦ ᖃᖓᑕᓲᑦ ᓲᕐᓗ ᖃᖓᑕᓲᕋᓛᑦ ᑕᐃᔭᐅᔪᑦ ᐲᕗ ᐊᒻᒪᓗ ᐊᑕᐅᓯᑐᐊᕐᒥᒃ ᐊᐅᓚᐅᑎᖃᖅᑐᑦ ᖃᖓᑕᓲᕋᓛᑦ ᐊᑐᖅᑕᐅᖃᑦᑕᖅᓯᒪᔪᑦ ᑕᒪᑐᒧᖓ ᐊᔾᔨᐅᖏᑦᑐᒧᑦ ᐊᑐᖅᑕᐅᔭᕆᐊᓕᒻᒧᑦ. ᖃᐅᔨᓴᖅᑐᓕᕆᓂᕐᒧᑦ ᐊᒻᒪᓗ ᒐᕙᒪᒃᑯᑦ ᐱᒡᒍᔾᔨᔨᖏᑦ ᐊᑐᓕᖅᑎᑦᑎᕙᓪᓕᐊᓚᐅᖅᓯᒪᔪᑦ ᕿᓂᕐᓴᕐᓂᐅᔪᓂᒃ, ᖃᐅᔨᓴᕐᓂᖅ ᐊᒻᒪᓗ ᓄᓇᙳᐊᓕᐅᕐᓂᖅ ᓯᕗᓪᓕᖅᐹᖑᓪᓗᑎᒃ ᐊᖏᓂᖅᐹᒥᒃ ᓂᐅᕕᖅᐸᒃᑐᓄᑦ ᐊᑐᖅᑕᐅᓯᒪᕗᖅ ᑕᒪᑐᒥᖓ ᐱᔨᑦᓯᕋᕈᑎᒥᒃ.
1968-ᒥ ᑲᒻᐸᓂᒃᑯᑦ ᐱᔪᓐᓇᖅᓯᓚᐅᖅᓯᒪᔪᑦ ᐱᓕᕆᑎᑕᐅᓪᓗᑎᒃ ᐊᖏᖃᑎᒌᖕᓂᒃᑯᑦ ᖃᖓᑕᓲᖃᖅᑎᑦᑎᓂᕐᒥᒃ ᐅᑭᐅᖅᑕᖅᑑᑉ ᓇᓛᓂ ᑲᒪᒋᔭᒥᒃ. ᑕᒪᓐᓇ ᐱᓕᕆᑎᑕᐅᓂᒃᑯᑦ ᐊᖏᖃᑎᒌᒍᑕᐅᓯᒪᔪᖅ ᐅᖓᕙᕆᐊᖅᓯᒪᔪᒥᒃ ᖃᖓᑕᓂᒃᑯᑦ ᐃᑲᔪᖅᓱᖅᑕᐅᔭᕆᐊᖃᓕᖅᓯᒪᓪᓗᓂ ᑲᓇᑕᐅᑉ ᐅᑭᐅᖅᑕᖅᑐᓕᒫᖓᓂ ᐊᒻᒪᓗ ᑲᓛᓕᒃ ᓄᓈᑦ ᐃᓚᒋᔭᐅᒻᒥᒋᓪᓗᑎᒃ ᐃᒪᕕᒻᒥ ᓯᑯᓕᕆᓂᕐᒧᑦ ᐊᐅᓚᓂᕆᔭᐅᓯᒪᔪᑦ ᐅᐊᓕᓂᐅᑉ ᑕᕆᐅᖓᓂ ᑐᙵᕕᒋᔭᐅᔪᓂᑦ ᐳᐃᓐᑦ ᐱᐅᕈ, ᐊᓛᔅᑲᒥ ᐊᒻᒪᓗ ᑐᒃᑐᐃᔭᖅᑐᖅ, ᓄᓇᑦᓯᐊᕐᒥ. ᑲᒻᐸᓂᒃᑯᑦ, ᐅᓪᓗᒥᒧᑦ, ᓱᓕ ᖃᖓᑕᓲᖃᖅᑎᑦᑎᕙᒃᑐᑦ ᐅᑭᐅᖅᑕᖅᑑᑉ ᓇᓛᓂ ᑲᒪᒋᔭᒥᒃ.
1971-ᖑᑎᓪᓗᒍ ᐳᕌᑦᓕ ᓂᐅᕕᓚᐅᖅᓯᒪᖕᒪᑦ ᓯᕗᓪᓕᖅᐹᖅ ᑎᕼᐊᕕᓚᓐ ᒪᕐᕈᓕᕋᓛᒥᒃ. 1971-ᒥᑦᑕᐅᖅ ᑲᒻᐸᓂᒃᑯᑦ ᒪᑐᐃᖅᓯᓚᐅᖅᓯᒪᖕᒥᔪᑦ ᓄᓇᕐᔪᐊᓕᒫᒥ ᐅᑭᐅᖅᑕᖅᑐᕐᒥᐅᑕᐅᓂᖅᐹᖓᓂ ᖃᖓᑕᓲᖃᖃᑦᑕᖅᑎᑦᑎᓂᕐᒧᑦ ᔫᕇᑲᒥ ᐊᐅᓱᐃᑦᑐᕐᒥᐅᑦ ᕿᑭᖅᑕᖓᓂ (600 ᐃᒪᒃᑯᑦ ᒪᐃᓕᓄᑦ ᐅᖓᓯᖕᓂᖃᖅᑎᒋᔪᖅ ᓄᓇᕐᔪᐊᑉ ᑲᔾᔨᖓᓂᑦ) 1972-ᖑᑎᓪᓗᒍ ᒪᕐᕉᒃ ᒪᕐᕉᒃ ᓂᐅᕕᖅᑕᐅᓕᓚᐅᖅᓯᒪᖕᒥᔫᒃ ᐱᔭᐅᔪᒪᕝᕙᓕᐊᑐᐃᓐᓇᕐᓂᖓ ᐅᔭᕋᐅᔭᓄᑦ, ᐅᖅᓱᐊᓗᒃᓯᐅᕐᓂᕐᒧᑦ ᐊᒻᒪᓗ ᖃᐅᔨᓴᖅᑐᓕᕆᓂᕐᒧᑦ ᕿᓂᕐᓴᕐᕕᐅᔪᓂᑦ ᐅᑭᐅᖅᑕᖅᑑᑉ ᕿᑭᖅᑕᖏᓐᓂ.
ᐊᐅᓚᑦᑎᕕᐅᒻᒪᕆᐅᔪᖅ ᖃᐅᓱᐃᑦᑐᒥ, ᓄᓇᕗᒻᒥ ᒪᑐᐃᓚᐅᖅᑯ 1973-ᖑᑎᓪᓗᒍ ᐊᒻᒪᓗ ᑖᓐᓇ ᐱᒻᒪᕆᐅᓂᖃᒻᒪᕆᓕᖅᑯ ᐊᒥᓱᒻᒪᕆᐅᔪᓄᑦ ᐊᑭᓕᖅᑕᐅᓯᒪᔪᓂᑦ ᖃᖓᑕᓂᐅᕙᑦᑐᓂᑦ ᐊᐅᓚᑕᐅᔪᓂᑦ ᖁᑦᑎᑦᑐᒥ ᐅᑭᐅᖅᑕᕐᑐᒥ. ᑏᓰᕝᕙᐅᑎᓪᓗᒍ 1975, ᕗᔅ ᐃᐊᒃᑯᑦ ᒪᑐᐃᖅᓯᑲᓐᓂᓚᐅᖅᑯᑦ ᐊᐅᓚᑦᑎᕕᐅᔪᒥᑦ ᐃᖃᓗᓐᓂ, ᓄᓇᕗᑦ, ᐃᓂᖃᕐᑐᖅ ᕿᑭᖅᑖᓘᑉ ᓂᒋᐊᓄᑦ ᔫᓂᐅᑎᓪᓗᒍ 1978, ᐊᐅᓚᑦᑎᕕᐅᔪᒥᑦ ᒪᑐᐃᖅᑐᖃᒃᑲᓐᓂᓚᐅᖅᑯ ᓴᓂᕋᔭᒻᒥ, ᓄᓇᕗᑦ. ᓂᕆᐅᒋᔭᐅᕗᖅ ᑕᒫᓂ, ᑕᖅᑭᓂᑦ ᒫᑦᓯᒥ ᐊᒻᒪᓗ ᐊᒃᑑᕝᕙ ᕿᑎᖏᓐᓂ, ᐊᒥᓲᓛᕆᔭᖏᓐᓂ ᖃᖓᑕᕙᑦᑐᓂᑦ ᐅᑭᐅᖅᑕᕐᑐᒥ, ᐃᒻᒪᖃ 200 ᐃᓄᐃᑦ ᐊᒻᒪᓗ 17 ᖃᖓᑕᓲᑦ ᐊᑐᕐᓂᐊᖅᑯᑦ ᐊᕐᕌᒍᑕᒫᖅ ᕗᔅ ᐃᐊᒃᑯᓐᓄᑦ ᐅᑭᐅᖅᑕᕐᑐᒥ ᖁᓛᓂ 60 ᓇᓗᓇᐃᕐᕕᖓᓂ ᓄᓇᓐᖑᐊᒥ.
ᑲᓇᑕᐅᑉ ᐅᑭᐅᖅᑕᖅᑐᖓᓂ ᕿᑭᖅᑕᐃᑦ ᑖᒃᑯᑐᐊᖑᓇᑎᒃ ᐅᑭᐅᖅᑕᖅᑐᒥ ᐊᐅᓚᓂᕆᔭᐅᔪᓂ ᐱᓕᕆᐊᖑᕙᒃᑐᑦ. 1974-ᒥ ᕘᔅᑦ ᐃᐅᒃᑯᑦ ᓂᕈᐊᖅᑕᐅᓚᐅᖅᓯᒪᔪᑦ ᖃᖓᑕᓲᖃᖅᑎᑦᑎᔨᐅᓂᐊᕐᓗᑎᒃ ᕌᔅ ᓯᑯᖓᓄᑦ ᑲᒪᒋᔭᒥᒃ ᓄᓇᕐᔪᐊᑉ ᐊᑖᓂ. ᑕᒪᓐᓇ ᐱᓕᕆᑎᑕᐅᓂᖅ ᐊᐅᓚᑕᐅᓪᓗᓂ ᒥᐊᓕᒐᐃᑦ ᐅᒥᐊᕐᔪᐊᒃᑯᑦ ᐅᓇᑕᖅᑐᒃᓴᖏᓐᓂᑦ ᐊᒻᒪᓗ ᐃᓚᐅᓂᖃᖅᑎᑦᑎᓪᓗᓂ ᐊᑐᕐᓗᑎᒃ ᑲᒻᐸᓂᒃᑯᑦ ᒪᕐᕈᓕᕋᓛᖏᓐᓂᒃ ᐱᑕᖃᖅᑎᑦᑎᔾᔪᑕᐅᓪᓗᓂ ᐅᖓᓯᒃᑐᕐᒥᐅᓂ ᐊᐅᓚᓂᕆᔭᐅᔪᓄᑦ ᓄᓇᕐᔪᐊᑉ ᐊᑖᓄᑦ ᖃᓂᒃᓴᖅᑐᒥᒃ. ᑖᓐᓇ ᓯᕗᓪᓕᖅᐹᖑᓪᓗᓂ ᖃᖓᑕᓲᖃᖅᑎᑕᐅᔾᔪᑎᐅᓚᐅᖅᓯᒪᔪᖅ ᓄᓇᕐᔪᐊᑉ ᐊᑖᓕᑦᑐᒧᑦ. ᑲᒻᐸᓂᒃᑯᑦ ᐅᓪᓗᒥᒧᑦ ᑎᑭᓪᓗᒍ ᖃᖓᑕᓲᖃᐃᓐᓇᖅᑎᑦᑎᓯᒪᔪᑦ ᐊᕐᕌᒎᑉ ᐃᓚᖓᒍᑦ ᓄᓇᕐᔪᐊᑉ ᐊᑖᓂ ᐊᔾᔨᒌᙱᕈᓗᐃᔭᖅᑐᑦ ᓄᓇᓕᕐᔪᐊᖑᖃᑎᒌᑦ ᐃᑲᔪᖅᑕᐅᔭᕆᐊᓕᖕᓄᑦ.
ᒥᐊᓕᖓᕐᓂ ᐅᓇᑕᖅᑐᒃᓴᖏᑦ ᓂᕈᐊᖅᓯᒪᔪᑦ ᕘᔅᑦ ᐃᐅᒃᑯᓐᓂᒃ ᐱᓕᕆᐊᖃᖃᑦᑕᕐᓂᐊᕐᓗᑎᒃ ᖃᐅᑕᒫᖅᓯᐅᑎᓂᒃ ᐃᑲᔪᖅᓱᐃᔾᔪᑕᐅᔪᓂᒃ ᒪᕐᕉᒃ ᓈᓚᕝᕕᖕᓂᒃ 8,000 ᐃᓯᒐᐃᑦ ᐊᖏᓂᖓᒍᑦ ᐃᒪᐅᑉ ᖁᓕᖓᓂᑦ ᐅᖓᓯᖕᓂᖃᖅᑎᒋᔪᒥᒃ ᐊᑯᑭᑦᑐᑦ ᓯᑯᖃᖓᑕ ᖁᓕᖓᓂ. ᒪᕐᕈᓕᕋᓛᖅ ᐊᑐᖅᑕᐅᖃᑦᑕᕐᓗᓂ ᑕᒪᑐᒧᖓ ᐱᔨᑦᓯᕋᕐᓂᕐᒧᑦ ᐊᒻᒪᓗ ᑐᙵᕕᒋᔭᐅᔪᖅ ᐊᐅᓚᓂᐅᔪᒧᑦ ᑲᖏᕐᓗᔅᓱᐊᕐᒥ ᐊᑯᑭᑦᑐᑦ ᓄᓇᖓᑕ ᐅᐊᖕᓇᖅᐸᓯᖓᓕᑦᑐᖅ. ᐱᓕᕆᐊᖃᖅᓯᒪᓕᕐᓂᖏᓐᓄᑦ ᑕᒪᑐᒥᖓ ᐱᔨᑦᑎᕋᕐᓂᐅᔪᒥᒃ ᒪᕐᕉᒃ ᐊᕐᕌᒎᖕᓄᑦ, ᐊᐅᓚᓂᕆᔭᐅᔪᖅ ᒍᕆᓐᓛᓐᐃᐅᑯᓐᓄᐊᖅᑕᐅᖔᓕᓚᐅᖅᑐᖅ.
ᐊᖏᓪᓕᕆᐊᖅᑕᐅᓂᖓ ᐅᑭᐅᖅᑕᖅᑐᒥᑦ ᐅᖅᑰᓂᕐᓴᓄᐊᖔᕐᓗᑎᒃ, 1994 ᓄᙳᐸᓗᐊᓂ ᑲᒻᐸᓂᒃᑯᑦ ᐱᓕᕆᐊᖃᓕᓚᐅᕐᒥᔪᑦ ᐊᑯᓂᐅᔪᒧᑦ ᐊᑐᖅᑐᐊᖅᑕᐅᓪᓗᓂ ᖃᖓᑕᓲᖅ ᖃᖓᑕᓲᖃᖅᑎᑦᑎᓂᕐᒥᒃ ᑑᒃᔅ ᐊᒻᒪᓗ ᑭᐊᑯᔅ ᕿᑭᖅᑕᖏᓐᓂ ᐅᖅᑰᔪᕐᒥᐅᓂ ᐱᑕᖃᖅᑎᑦᑎᔪᓐᓇᖁᓪᓗᒋᑦ ᒪᕐᕈᓕᕋᓛᒥᒃ ᐊᐅᓚᓂᕆᔭᖏᓐᓄᑦ ᐃᓂᒃᓴᓕᐅᖅᓯᒪᔪᑎᒍᑦ ᐱᔨᑦᑎᕋᕈᓐᓇᕐᓗᑎᒃ ᐃᖏᕐᕋᓂᕆᕙᒃᑕᖏᑎᒍᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᒌᒍᑎᓂᒃ ᑭᐅᕆᐲᐊᓐᓕᒫᒥ.
ᖁᓕᑦ ᒪᕐᕉᓪᓗ ᐊᕐᕌᒎᓯᒪᓕᖅᑐᓄᑦ ᑲᒻᐸᓂᒃᑯᑦ ᐱᓯᒪᓕᖅᑐᑦ ᓯᑕᒪᐅᔪᖅᑐᓂᒃ 44-ᓄᑦ ᐃᑭᒪᕕᐅᔪᓐᓇᖅᑐᓂᒃ ᕼᐊᑯ ᓯᑦᑎᓕ 748 ᖃᖓᑕᓲᒥᒃ, ᑕᒪᕐᒥᐸᓗᒃ ᐅᑭᐅᖅᑕᖅᑐᕐᒦᑦᑐᑦ.
1987 ᓄᙳᐸᓗᐊᓂ ᐊᒻᒪᓗ ᐃᓱᓕᓐᓂᕆᔭᖓᓄᑦ 1994 ᓄᙳᐸᓗᐊᓂ, ᕘᔅᑦ ᐃᐅᒃᑯᑦ ᐱᓕᕆᐊᖃᖔᓕᓚᐅᖅᓯᒪᔪᑦ ᐃᑲᔪᖅᓱᐃᓂᒃᑯᑦ ᐅᓇᑕᖅᑐᒃᓴᒃᑯᑦ ᓈᓚᕝᕕᖏᓐᓂᒃ ᐃᓚᐅᓂᖃᕐᓗᑎᒃ ᓈᓚᕝᕕᖃᕐᕕᐅᔪᓂ ᐱᑕᖃᖅᑎᑦᑎᒃᑲᓐᓂᕐᓂᕐᒧᑦ ᐊᓛᔅᑲᐅᑉ ᑭᒡᓕᖓᓂᑦ ᑎᑭᓪᓗᒍ ᐊᑯᑭᑦᑐᑦ ᓄᓇᖓᓄᑦ. ᑕᒪᓐᓇ ᐱᓕᕆᑎᑕᐅᓂᖅ ᖃᖓᑕᓲᖃᖅᑎᑦᑎᓪᓗᓂ ᒪᕐᕉᖕᓂᒃ ᕼᐊᑯ ᓯᑦᑎᓕ 748 ᖃᖓᑕᓲᓂᒃ ᐊᒻᒪᓗ ᒪᕐᕉᖕᓂᒃ ᒪᕐᕈᓕᕋᓛᓕᖕᓂᒃ ᐊᒻᒪᓗ ᐱᓕᕆᑎᑕᐅᒃᑲᓐᓂᕆᓪᓗᑎᒃ ᕘᔅᑦ ᐃᐅᒃᑯᑦ ᐃᓂᒃᓴᓕᐅᖅᓯᒪᔪᑎᒍᑦ ᐱᔨᑦᑎᕋᕐᓂᕆᔭᖓᓄᑦ ᐱᓕᕆᐊᖃᕋᓱᐊᖅᓯᒪᓪᓗᑎᒃ ᐃᑭᒪᕙᒃᑐᓄᑦ ᐊᒻᒪᓗ ᐅᓯᓕᖅᓱᖅᑕᐅᕙᒃᑐᓄᑦ.
1986 ᐱᒋᐊᓕᓵᕐᓂᐸᓗᐊᓂ ᑲᒻᐸᓂᒃᑯᑦ ᓂᐅᕕᓕᓚᐅᖅᓯᒪᔪᑦ Boeing 727-100C ᖃᖓᑕᓲᒥᒃ ᐊᑐᖅᑕᐅᖃᑦᑕᕐᓂᐊᕐᓗᓂ ᓵᑕᖅᑕᐅᓂᕐᒧᑦ ᐊᒻᒪᓗ ᐃᓂᒃᓴᓕᐅᖅᓯᒪᔪᑎᒍᑦ ᐊᐅᓚᓂᕆᔭᖓᒍᑦ. ᑖᓐᓇ ᖃᖓᑕᓲᖅ ᐊᓯᔾᔨᕈᓐᓇᖅᑑᓪᓗᓂ ᐅᓯᔪᓐᓇᖅᑐᖅ ᐊᔾᔨᒌᙱᕈᓗᐃᔭᖅᑐᓂᒃ ᑲᑎᙵᔪᑦ ᐃᑭᒪᔪᓂᒃ ᐊᒻᒪᓗ ᐅᓯᓕᖅᓱᖅᑕᐅᔭᕆᐊᓕᖕᓂᒃ ᐊᒻᒪᓗ ᐅᓯᓕᖅᓱᕈᓐᓇᕐᓗᑎᒃ 38,000 ᐸᐅᓐᔅᓄᑦ 2,500 ᒪᐃᓕᖏᓐᓕᒃᑲᔭᖅᑐᒥᒃ ᓱᒃᑲᓂᖃᕐᓗᓂ 550 ᒪᐃᓕᓄᑦ ᐃᑲᕐᕋᒧᑦ. ᖃᖓᑕᓲᖅ 727 ᐊᑐᖅᑕᐅᖃᑦᑕᖅᑐᖅ ᐅᓯᓕᖅᓱᐃᔾᔪᑕᐅᓪᓗᓂ ᐊᒻᒪᓗ ᐃᑭᒪᔨᐊᖃᖅᐸᒃᑐᑦ ᓴᑕᖅᓯᓯᒪᔪᓂᒃ ᑲᓇᑕᓕᒫᒥ, ᒥᐊᓕᒐᕐᓂ, ᐅᖅᑰᔪᕐᒥᐅᑕᐃᑦ ᑭᐅᕆᐱᐊᓐ, ᒥᐊᒃᓯᑰ ᐊᒻᒪᓗ ᒥᐊᓕᒐᕐᒥᐅᑦ ᓂᒋᐊᖅᐸᓯᐊᓕᓐᓂᕐᓴᐅᔪᓂᑦ.
ᒪᐃ 1993-ᖑᑎᓪᓗᒍ, ᕘᔅᑦ ᐃᐅᒃᑯᑦ ᓂᐅᕕᓚᐅᖅᓯᒪᔪᑦ ᓯᕗᓪᓕᖅᐹᖁᑎᒋᔭᖓᑦ B727-200 ᐅᓯᓕᖅᓯᔨᑐᐃᓐᓇᐅᓪᓗᓂ ᖃᖓᑕᓲᖅ ᖁᓕᑦ ᒪᕐᕉᓪᓗ ᐃᓗᐃᑦᑐᓂᒃ ᐅᓯᓕᖅᓱᕈᑎ 55,000 ᐸᐅᓐᔅᓄᑦ ᐅᓯᔪᓐᓇᕐᓗᓂ. ᐅᓪᓗᒥᒧᑦ ᐊᐅᓚᓂᕆᔭᐅᔪᖅ ᑲᒻᐸᓂᒃᑯᓐᓄᑦ ᒫᓐᓇᐅᓕᖅᑐᒧᑦ ᐊᐅᓚᑦᑎᓕᖅᑐᑦ ᑲᑎᓕᒫᕐᓗᒋᑦ ᐱᖓᓲᔪᖅᑐᓂᒃ ᐴᐃᖕ 727 ᖃᖓᑕᓲᓂᒃ ᐃᓚᒋᔭᐅᓪᓗᑎᒃ ᐱᖓᓱᑦ -ᖕᔾᔾᐅ ᐊᒻᒪᓗ ᐱᖓᓱᑦ B727-200s.
ᕘᔅᑦ ᐃᐅᒃᑯᑦ ᖃᖓᑕᓲᒃᑰᖅᑎᑦᑎᒐᔪᖃᑦᑕᖅᓯᒪᔪᑦ ᑲᓇᑕᐅᑉ ᐊᖓᔪᖅᑳᕐᔪᐊᕆᓯᒪᔭᖏᓐᓂᒃ, ᐊᒻᒪᓗ ᐊᒥᓱᒐᓚᐃᑦ ᑯᐃᓐ ᐊᒻᒪᓗ ᐃᓚᒋᔭᖏᑦ ᐅᑭᐅᖅᑕᖅᑐᒧᑦ ᐳᓛᕆᐊᖅᑎᓪᓗᒋᑦ.
ᕘᔅᑦ ᐃᐅᒃᑯᑦ ᓯᕗᒧᐊᒃᓯᒪᔪᒥᒃ ᐊᖁᑎᙳᖅᓴᑎᑦᑎᓂᕐᒧᑦ ᐱᓕᒻᒪᒃᓴᐃᑎᑦᑎᕙᒻᒥᔪᑦ ᐊᒻᒪᓗ ᓇᓗᓇᐃᒃᑯᑕᖅᑖᖅᑎᑦᑎᕙᒃᑐᑦ ᐊᔾᔨᒌᖏᑦᑐᕈᓗᐃᔭᕐᓄᑦ ᖃᖓᑕᓲᓄᑦ ᐃᓚᒋᔭᐅᓪᓗᓂ ᐱᒋᐊᓕᓵᖅᑕᐅᕙᒃᑐᖅ ᐊᒻᒪᓗ ᐱᓕᖅᑭᒃᑕᐅᕙᒃᑐᖅ ᐋᖅᑭᐅᒪᑎᑦᑎᓂᕐᒧᑦ ᐊᒻᒪᓗ ᖃᖓᑕᓲᓕᕆᕙᒃᑐᑦ ᐃᓕᓐᓂᐊᕐᕕᖕᓂᒃ.
1986-ᒥᑦ 2004-ᒧᑦ, ᓇᒻᒥᓂᕆᔭᐅᔪᖅ ᐊᐅᓚᑦᑎᓚᐅᖅᑯ ᐊᔾᔨᐅᖏᑦᑐᒥᑦ ᐱᖃᕐᑐᒥᑦ ᖃᖓᑕᓲᖑᔪᖅ Dash 7-150 ᑖᒃᑯᓄᖓ ᓯᓚᓐᓂᐊᑎᒃᑯᓐᓄᑦ ᐊᕙᑎᓕᕆᔨᒃᑯᓐᓄᑦ ᐱᔨᑦᑎᕋᖅᑎᐅᔪᓂᑦ ᒐᕙᒪᑐᖃᒃᑯᑦ ᐊᕙᑎᓕᕆᔨᒃᑯᖏᓐᓄᑦ ᓯᑯᓂᑦ ᑲᒪᓂᕐᒧᑦ ᐅᑭᐅᖅᑕᕐᑐᒥ ᐊᒻᒪᓗ ᐃᒪᕐᒥᐅᑕᓕᕆᔨᒃᑯᓐᓄᑦ ᐱᖓᓐᓇᖅ ᐃᒪᖓᓂᑦ ᑲᒪᔨᐅᔪᓄᑦ. ᕗᔅ ᐃᐊᒃᑯᑦ ᐊᑐᐃᓐᓇᐅᑎᑦᑎᓚᐅᖅᑯ ᐃᖅᑲᓇᐃᔭᖅᑎᖏᓐᓂ ᐊᒻᒪᓗ ᓴᓇᔨᖏᓐᓂ ᑖᔅᓱᒧᖓ ᑳᓐᑐᕌᖑᔪᒧᑦ.
ᐃᓂᒃᓴᓕᐅᕆᓯᒪᔪᑎᒍᑦ ᐱᔨᑦᑎᕋᕈᑎᑦ
1973-ᒥᓂᑦ, ᐳᕌᑦᓕ ᖃᖓᑕᓲᓕᕆᔨᒃᑯᑦ (ᐊᐅᓚᓂᖃᕐᓗᑎᒃ ᓇᓗᓇᐃᒃᑯᑕᕆᔭᐅᔪᖅ ᐊᑎᖓ ᕘᔅᑦ ᐃᐅᒃᑯᓐᓂ) ᐃᓂᒃᓴᓕᐅᖅᓯᒪᔪᑎᒍᑦ ᐱᔨᑦᑎᕋᕈᑎᖏᓐᓂᒃ ᐊᖏᓪᓕᒋᐊᖅᑎᑦᑎᓯᒪᓕᖅᑐᑦ ᐊᑕᐅᓯᑐᐊᖅ ᐃᖏᕐᕋᓂᕆᕙᒃᑕᖓᓂᑦ ᐋᑐᕚ ᐊᒻᒪᓗ ᓄᐊᑦ ᐸᐃ ᐊᑯᓐᓂᖓᒍᑦ ᓯᑕᒪᐅᔪᖅᑐᓂᒃ ᐃᑭᒪᕝᕕᐅᔪᓐᓇᖅᑐᒥᒃ ᖃᖓᑕᓲᒃᑯᑦ. ᐅᓪᓗᒥᒧᑦ ᐃᖏᕐᕋᓂᕆᕙᒃᑕᖓᑕ ᐋᖅᑭᒃᓯᒪᓂᕆᔭᖓ ᐱᔨᑦᑎᕋᕈᑕᐅᕗᖅ 29 ᓄᓇᓕᐅᔪᓄᑦ ᐋᓐᑎᐅᕆᐅᒥ, ᑯᐸᐃᒃᒥ, ᒫᓂᑑᐸᒥ, ᐃᐅᓪᐴᑕᒥ, ᔫᑳᓐᒥ, ᓄᓇᕗᒥ ᐊᒻᒪᓗ ᓄᓇᑦᓯᐊᕐᒥ ᐃᖏᕐᕋᓂᖃᖅᐸᒃᑐᑦ ᑲᒪᓇᖅᑐᒥᒃ 15,500 ᐃᖏᕐᕋᓂᕆᔭᖓᑕ ᒪᐃᓕᑎᒍᑦ ᖃᖓᑕᓲᒃᑰᖅᑎᑦᑎᕙᒃᑐᑦ 20 ᖃᖓᑕᓲᓄᑦ ᐊᔾᔨᒌᙱᕈᓗᐃᔭᖅᑐᑦ ᐊᖏᓂᑎᒍᑦ ᐅᓯᔪᓐᓇᖅᐸᒃᑐᑦ ᐅᓯᓕᖅᑐᖅᓴᐅᔭᕆᐊᓕᖕᓂᒃ/ᐃᑭᒪᔨᐊᖑᕙᒃᑐᓂᒃ ᐋᖅᑭᒃᓯᒪᓂᕆᔭᖓᒍᑦ.
ᖃᓪᓗᓈᑎᑐᑦ: ᕗᔅ ᐃᐊᒃᑯᑦ ᓂᕆᐅᓐᓂᖃᖅᑯᑦ ᐃᒻᒪᖃ 200,000 ᐃᓄᐃᑦ ᖃᖓᑕᓂᐊᖅᑐᒋᓪᓗᒋᑦ ᐊᒻᒪᓗ 20-ᒥᓕᐊᓐ ᐅᖁᒪᐃᓐᓂᖏᑦ ᐅᓯᑲᖅᑕᓂᕐᒧᑦ ᐊᒻᒪᓗ ᑎᑎᖅᑲᓂᑦ ᐊᕐᕌᒍᑕᒫᑦ ᐊᐅᓚᓂᕆᕙᑦᑕᖏᓐᓄᑦ. ᕗᔅ ᐃᐊᒃᑯᑦ ᐅᓪᓗᒥᐅᔪᖅ ᐃᖅᑲᓇᐃᔭᖅᑎᖃᖅᑯᑦ 1000 ᐅᖓᑖᓂ ᑖᒃᑯᐊ ᐱᔨᑦᑎᕋᐅᑎᐅᔪᑦ ᐱᓪᓗᒋᑦ.
ᕗᔅ ᐃᐊᒃᑯᑦ ᖃᖓᑕᓂᖏᑦ ᖃᖓᒃᑯᑦ ᐊᒻᒪᓗ ᐊᑭᖏᑦ ᐊᑐᐃᓐᓇᐅᑎᑕᐅᕗᑦ ᐊᐅᓪᓚᖃᑦᑕᖅᑐᓕᕆᔨᒃᑯᓐᓄᑦ ᓯᓚᕐᔪᐊᓕᒫᒥᑦ ᐅᖃᓚᓗᓂ (ᑲᓇᑕᒥ) 1-800-267-1247 ᐅᕝᕙᓘᓐᓃᑦ ᑐᓯᓚᑦᑐᓄᑦ 1-877-873-3718. ᖃᐅᔨᒋᐊᕐᕕᐅᔪᓐᓇᕆᕗᒍᑦ ᓱᑲᑦᑐᒃᑯᑦ (613) 254-6303 ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑎᑎᖅᑲᒧᑦ reservat@firstair.ca.
1995 ᓄᙳᐸᓗᖏᓐᓂ ᕘᔅᑦ ᐃᐅᒃᑯᑦ ᓂᐅᕕᓚᐅᖅᓯᒪᔪᑦ 100% ᑖᒥᒐᓐ ᖃᖓᑕᓲᓕᕆᔨᒃᑯᑦ ᑎᒥᖓᓂᒃ, ᐊᕕᒃᑐᖅᓯᒪᓂᐊᓄᑦ ᖃᖓᑕᓲᒃᑰᖅᑎᑦᑎᔨᐅᕙᒃᑐᑦ ᔭᓗᓇᐃᕝ, ᓄᓇᑦᓯᐊᒦᓪᓗᑎᒃ ᖁᓕᑦ ᐱᖓᓱᑦ ᐅᖓᑎᐊᓄᑦ ᐊᒻᒪᓗ ᐊᐅᓚᑦᑎᓪᓗᑎᒃ ᐊᔾᔨᒌᙱᕈᓗᐃᔭᖅᑐᓂᒃ ᖃᖓᑕᓲᓂᒃ ᐊᔾᔨᒌᖏᓐᓂᖃᐅᖅᑐᑦ ᓯᐊᔅᓇ 185-ᒥᑦ ᒍᕉᒪᓐ ᒍᓪᕝᓯᑐᕇᒻ!. ᑖᒥᒐᓐ ᖃᖓᑕᓲᓕᕆᔨᒃᑯᑦ ᕘᔅᑦ ᐃᐅᒃᑯᓐᓂᒃ ᐃᓂᒃᓴᓕᐅᖅᓯᒪᔪᑎᒍᑦ ᐱᔨᑦᑎᕋᖅᐸᒃᑐᑦ ᕼᐊᐃ ᕆᕗ ᐊᒻᒪᓗ ᕗᐊᑦ ᓯᒻᑉᓴᓐ ᓄᓇᑦᓯᐊᕐᒥ ᐊᒻᒪᓗ ᕗᐃᑦᕼᐅᐊᔅ, ᔫᑳᓐᒥ.
ᕗᔅ ᐃᐊᒃᑯᑦ ᒥᑭᓂᖅᓴᐅᔪᖅ ᖃᖓᑕᓲᖓ ᐱᔾᔪᑎᖃᓗᐊᖅᑐᖅ ᐃᑲᔪᖅᑐᓂᕐᒥᑦ ᐅᔭᕋᓐᓂᐊᖅᑐᓂᑦ ᐊᒻᒪᓗ ᖃᐅᔨᓴᖅᑎᐅᔪᓂᑦ ᓄᓇᑦᓯᐊᓕᒫᒥ ᐊᒻᒪᓗ ᓄᓇᕗᒻᒥ. ᒥᑭᓂᖅᓴᐅᔪᖅ ᖃᖓᑕᓲᖅ ᐊᑐᖅᑕᐅᖃᑦᑕᓚᐅᖅᑯ ᐳᑦᑕᐅᑎᖃᕐᑐᓂᑦ, ᑎᓱᕋᐅᑎᖃᕐᑐᓂᑦ, ᐊᔅᓴᓗᐊᔫᓐᓂ ᑎᓱᕋᐅᑎᐅᔪᓂᑦ ᐊᒻᒪᓗ ᓄᓇᒧᑦ ᐊᔅᓴᓗᐊᖑᔪᓂᑦ. “ᒥᕝᕕᖃᓐᖏᑦᑐᒧᑦ” ᐱᔪᓐᓇᕐᓂᖏᑦ ᒥᑭᓂᖅᓴᐅᔪᑦ ᖃᖓᑕᓲᖑᔪᑦ ᐅᖓᓯᓛᒍᔪᒧᑦ ᓄᓇᐅᔪᓂᑦ ᐊᕐᕌᒍᓕᒫᒃᑯᑦ ᐊᑐᕈᓐᓇᓂᕐᒥᑦ.
ᔫᓂ 1997-ᖑᑎᓪᓗᒍ, ᕘᔅᑦ ᐃᐅᒃᑯᑦ ᐃᓂᒃᓴᓕᐅᖅᓯᒪᔪᑎᒍᑦ ᐱᔨᑦᑎᕋᖅᐸᒃᑐᑦ 28 ᐅᐸᑲᖅᑕᕐᕕᒋᕙᒃᑕᖏᓐᓄᑦ ᓄᓇᕗᒥ, ᓄᓇᑦᓯᐊᕐᒥ, ᒫᓂᑑᐸᒥ, ᐃᐅᓪᐴᑕᒥ, ᔫᑳᓐᒥ, ᑯᐸᐃᒃᒥ ᐊᒻᒪᓗ ᐋᓐᑎᐅᕆᐅᒥ ᖃᖓᑕᓲᖃᖅᑎᑦᑎᔪᓐᓇᕐᓗᑎᒃ 20 ᖃᖓᑕᓲᓂᒃ. ᐃᓄᖕᓂᑦ ᓇᖕᒥᓂᕆᔭᐅᔪᖅ ᖃᖓᑕᓲᓕᕆᔨᒃᑯᑦ 1000 ᐅᖓᑎᐊᓕᑦᑐᓂᒃ ᐃᖅᑲᓇᐃᔭᖅᑎᖃᖅᑐᖅ, 450 ᐅᖓᑎᐊᓕᑦᑐᑦ ᐃᖅᑲᓇᐃᔭᖅᐸᒃᑐᑦ ᐊᒻᒪᓗ ᓄᓇᖃᕆᓪᓗᑎᒃ ᐅᑭᐅᖅᑕᖅᑐᒥ.